পথাৰকান্দিত গৰু চোৰক আটক কৰি উত্তম-মধ্যম ৰাইজৰ

পথাৰকান্দি সমষ্টিৰ বাজাৰিচ'ৰা আৰক্ষী থানাৰ অন্তৰ্গত 20 নম্বৰ চাহ বাগিচাৰ পৰা এটা গৰু চোৰক আটক কৰে ৰাইজে ৷ চোৰটোৰ নাম নিতাই কুৰ্মী ৷ চোৰটোক উত্তম-মধ্যম দি গতাই দিয়ে আৰক্ষীক ৷

কৰিমগঞ্জ, 17 আগষ্টঃ কৰিমগঞ্জৰ পথাৰকান্দিত এটা গৰু চোৰ আটক কৰে ৰাইজে ৷ যোৱা 16 আগষ্টৰ নিশা ৰাইজে আটক কৰে চোৰটোক ৷

পাথাৰকান্দি সমষ্টিৰ বাজাৰিচৰা থানা এলেকাৰ 20 নম্বৰ চাহ বাগিচাৰ পৰা গৰু চোৰ কৰি আহোতে এজন চোৰক আটক কৰে ৰাইজে ৷ চোৰটোৰ নাম নিতাই কুৰ্মী ৷ ৰাইজে নিতাই কুৰ্মীক উত্তম-মধ্যম দি জোতাৰ মালা পিন্ধায় । চোৰটোৰ স্বীকাৰোক্তিৰ ভিত্তিত বহু চাঞ্চল্যকৰ তথ্য ফাদিল হয় ৷ এই চুৰি চক্ৰৰ লগত জড়িত হৈ থকা দুটা চোৰৰ নাম ৰাইজৰ আগত অৱগত কৰে । উক্ত ঘটনাটো আৰক্ষীক অৱগত কৰাৰ পিছতো ৰাতিপুৱা লৈকে আৰক্ষী উপস্থিত নোহোৱাৰ অভিযোগ ৰাইজৰ ৷ অৱশেষত ৰাইজে আৰক্ষী থানাত নিতাই কুর্মীক চমজাই দিয়ে স্থানীয় ৰাইজে । অতি শীঘ্ৰে উক্ত অঞ্চলত সংঘটিত হৈ থকা চুৰি কাণ্ড প্ৰতিৰোধ কৰিবলৈ আৰক্ষী প্ৰশাসনক দাবী তুলিছে স্থানীয় ৰাইজে ৷