কৰিমগঞ্জ, 10 আগষ্টঃ অসম চৰকাৰৰ স্বাস্থ্য বিভাগৰ এক নিৰ্দেশনাৰ পাছতেই ক্ষুদ্ধ হৈ পৰিছে উত্তৰ কৰিমগঞ্জৰ বিধায়ক কমলাক্ষ দে পুৰকায়স্থ ৷ বৰাক উপত্যকাৰ চিকিৎসা ব্যৱস্থাক লৈ ৰাজ্য চৰকাৰে কোনো গুৰুত্ব প্ৰদান নকৰাৰ অভিযোগ বিধায়ক গৰাকীৰ ৷ উল্লেখেয যে,কোনো চৰকাৰী চিকিৎসকে ব্যক্তিগত চিকিৎসালয়ত চিকিৎসা প্ৰদান কৰাৰ ক্ষেত্ৰত কঠোৰ নিষেধাজ্ঞা আৰোপ কৰি শেহতীয়াকৈ এক নিৰ্দেশনা জাৰি কৰিছিল অসম চৰকাৰে ৷ এই নিৰ্দেশনাৰ পাছতেই অসম চৰকাৰৰ এই সিদ্ধান্তৰ প্ৰতি ক্ষোভ উজাৰে বিধায়ক গৰাকীয়ে ৷
চৰকাৰী নিৰ্দেশনাৰ বাবে সুচিকিৎসাৰ পৰা বঞ্চিত হ’ব তিনি জিলাৰ নাগৰিক এক আছুতীয়া সাক্ষাৎ বিধায়ক গৰাকীৰ অভিযোগ,বৰ্তমানেও কোনোপধ্যেই সন্তোষজনক নহয় বৰাক উপত্যকাৰ চিকিৎসা ব্যৱস্থা ৷ ক’ভিড আক্ৰান্তৰ চিকিৎসাৰ বাবে কৰিমগঞ্জত এখন চিকিৎসালয় খোলা হৈছে যদিও বৰ্তমান পৰ্যন্ত ভেণ্টিলেশ্যনৰ কোনো ব্যৱস্থা নাই চিকিৎসালয়খনত ৷ বৰাক উপত্যকাৰ তিনিখন জিলাৰ ভিতৰত মাত্ৰ এখনেই চিকিৎসা মহাবিদ্যালয় আছে শিলচৰত ৷ কিন্তু কোনো কঠিন ৰোগৰ চিকিৎসাৰ সুবিধা নাই চিকিৎসা মহাবিদ্যালয়ত ৷ যাৰ বাবে ব্যক্তিগতখণ্ডৰ চিকিৎসালয়ত উপস্থিত হ’বলৈ বাধ্য হয় তিনিওখন জিলাৰ জনসাধাৰণ ৷ চৰকাৰে জাৰি কৰা এই নিৰ্দেশনাৰ বাবে তিনিওখন জিলাৰ জনসাধাৰণে সু-চিকিৎসা লাভৰ পৰা বঞ্চিত হ’ব বুলি মন্তব্য কৰে বিধায়ক পুৰকায়স্থই ৷
লগতে পঢ়কঃশিলাদিত্য দেৱৰ বিৰুদ্ধে ধেমাজি সদৰ থানাত এজাহাৰ দাখিল
