ঘৰত কোনো নথকাৰ সুযোগত সোণৰ অলংকাৰ লৈ উধাও চোৰ

ঘৰত কোনো নথকাৰ সুযোগত কৰিমগঞ্জৰ নিলামবজাৰত চোৰৰ চাফাই অভিযান ৷ সোমবাৰে পুৱাৰ ভাগত পৰিয়ালৰ সকলো এক নিমন্ত্ৰণ ৰক্ষা কৰিবলৈ যোৱাৰ সুযোগতে গডৰেজ ভাঙি চোৰে নগদ ধন সহ সোণৰ আ-অলংকাৰ লৈ উধাও হয় ৷

কৰিমগঞ্জ, 15 ডিচেম্বৰ:ঘৰত কোনো নথকাৰ সুযোগ গ্ৰহণ কৰি সোমবাৰে কৰিমগঞ্জৰ নিলামবজাৰত চোৰে এঘৰ লোকৰ ঘৰত চাফাই অভিযান চলাই নগদ ধন সহ সোণৰ আ- অলংকাৰ লুটি নিয়ে ৷ সোমবাৰে সন্ধ্যা এই ঘটনা সংঘটিত হয় ৷ ঘৰত কোনো নথকাৰ সুযোগতেই চোৰে এই কাণ্ড সংঘটিত কৰে ৷

চোৰে দৰ্জা ভাঙি ঘৰত প্ৰৱেশ কৰি চোৰে এই কাণ্ড সংঘটিত কৰে

ঘটনাৰ বিৱৰণী অনুসৰি সোমবাৰে পুৱা নিলামবাজাৰ আৰক্ষী থানাৰ অধীন ইশ্বৰশ্ৰী গাঁৱৰ পাপলু নাথ নামৰ লোকজনৰ ঘৰৰ সকলো সদস্য এক নিমন্ত্ৰণ ৰক্ষা কৰাৰ বাবে ঘৰৰ পৰা উলাই গৈছিল ৷ গৃহস্থ ঘৰত নথকাৰ এই সোণালী সুযোগ গ্ৰহণ কৰি চোৰে দৰ্জা ভাঙি ঘৰত প্ৰৱেশ কৰে আৰু ঘৰৰ ভিতৰত থকা দুটা গডৰেজ ভাঙি সোণৰ অলংকাৰৰ লগতে লগদ ধন লৈ উধাও হয় ৷

নগদ ধনৰ লগতে সোণৰ আ- অলংকাৰ চোৰে লুটি নিয়ে

নিশা পৰিয়ালৰ লোকে উভতি আহি চুৰিকাণ্ড সম্পৰ্কত জ্ঞাত হোৱাত হাহাকাৰ পৰিস্থিতিৰ উদ্ভৱ হয় ৷ ঘটনা সন্দৰ্ভত নিলামবজাৰ আৰক্ষী থানাত এক গোচৰ ৰুজু কৰা হৈছে ৷ আৰক্ষীয়ে গোচৰৰ ভিত্তিত ঘটনাস্থলীত উপস্থিত হৈ তদন্ত আৰম্ভ কৰিছে ৷

লগতে পঢ়ক:অসহায় যুৱতীক ৰক্ষা কৰিবলৈ গৈ আক্ৰমণৰ বলি সাংবাদিক