হিমন্ত বিশ্ব শৰ্মাৰ বিৰুদ্ধে সৰৱ ৰাতাবাৰীৰ কংগ্ৰেছ প্ৰাৰ্থী কেশৱ প্ৰসাদ ৰজক

মন্ত্ৰী হিমন্ত বিশ্ব শৰ্মা সন্দৰ্ভত মন্তব্য কৰি কংগ্ৰেছ প্ৰাৰ্থী কেশৱ প্ৰসাদ ৰজকে কয় যে, হিমন্তৰ কথা আৰু কামৰ মিল নাই ৷ যোৱাটো বিধানসভাৰ প্ৰাক্ মুহূৰ্ততো তেখেতে প্ৰচাৰলৈ আহি তিনিমাহৰ ভিতৰত ৰাতাবাৰীৰ উন্নয়নমূলক কাম কাজৰ তদাৰক কৰিব বুলি কথা দিছিল যদিও আজি পৰ্যন্ত সেইয়া হৈ উঠা নাই ৷

ৰাতাবাৰী, 16 অক্টোবৰঃ ৰাজ্যত তুংগত উঠিছে উপ নিৰ্বাচনৰ প্ৰচাৰ অভিযান ৷ ৰাতাবাৰী সমষ্টিত নিৰ্বাচনী প্ৰচাৰৰ সময়ত মন্ত্ৰী হিমন্ত বিশ্ব শৰ্মাৰ বিৰুদ্ধে সৰৱ ৰাতাবাৰী সমষ্টিৰ কংগ্ৰেছ প্ৰৰ্থী কেশৱ প্ৰসাদ ৰজক ৷ মন্ত্ৰী হিমন্ত বিশ্ব শৰ্মাৰ সন্দৰ্ভত মন্তব্য কৰি কংগ্ৰেছ প্ৰাৰ্থীগৰাকীয়ে কয় যে, হিমন্তৰ কথা আৰু কামৰ মিল নাই ৷ মন্ত্ৰী হিমন্ত বিশ্ব শৰ্মাই সদায় মিছা কথা কৈ প্ৰতিটো নিৰ্বাচনলৈ আহি ৰাইজৰ পৰা ভোট বিচাৰে ৷ যোৱাটো বিধানসভাৰ প্ৰাক্ মুহুৰ্ততো তেখেতে প্ৰচাৰলৈ আহি তিনিমাহৰ ভিতৰত ৰাতাবাৰীৰ উন্নয়নমূলক কাম কাজৰ তদাৰক কৰিব বুলি কথা দিছিল যদিও আজি পৰ্যন্ত সেইয়া হৈ উঠা নাই ৷ ৰাতাবাৰীৰ বাটপথ, দলঙৰ লগতে খোৱাপানীৰ বিভিন্ন আঁচনিসমূহৰ বাস্তৱ চিত্ৰই তেখেতৰ বিফলতাকেই দাঙি ধৰিছে ৷

কংগ্ৰেছৰ প্ৰাৰ্থীগৰাকীয়ে ইয়াকো কয় যে, ৰাইজে এইবাৰ নিৰ্বাচনত মন্ত্ৰী হিমন্ত বিশ্ব শৰ্মাক যোগ্য প্ৰত্যুত্তৰ দিব ৷ লগতে ৰাতাবাৰী সমষ্টিত কংগ্ৰেছৰ বিজয় নিশ্চিত বুলিও বক্তব্য আগবঢ়ায় মন্ত্ৰীগৰাকীয়ে ৷