এখন জৰাজীৰ্ণ বাঁহৰ দলঙেৰে বিপদসংকুল যাত্ৰা কৰিমগঞ্জৰ কৰমপুৰ গাঁৱত

এখন জৰাজীৰ্ণ বাঁহৰ দলঙেৰে প্ৰতিদিনে বিপদসংকুলভাৱে অহা যোৱা কৰে কৰিমগঞ্জ জিলাৰ পাথাৰকান্দি বিধানসভা সমষ্টিৰ অন্তৰ্গত কৰমপুৰ,জোৱালি গাঁও,কামাৰবন্দ,সাতঘৰী,দুৰ্লভপুৰ,বাঘৰসাংগন আদি গাঁৱৰ প্ৰায় 25 হাজাৰ লোকে ৷

কৰমপুৰ, 4 মাৰ্চঃকৰিমগঞ্জ জিলাৰ পাথাৰকান্দি বিধানসভা সমষ্টিৰ অন্তৰ্গত কৰমপুৰ গাঁৱত লংগাই নৈ পাৰ হোৱাৰ একমাত্ৰ ভৰষা হৈছে এখন জৰাজীৰ্ণ বাঁহৰ দলং ৷ এই দলঙখনেই এতিয়া একমাত্ৰ ভৰষা জোৱালি গাঁও,কামাৰবন্দ,সাতঘৰী,দুৰ্লভপুৰ,বাঘৰসাংগন আদি গাঁৱৰ প্ৰায় 25 হজাৰ লোকৰ যাতায়াতৰ ৷ বছৰৰ পিচত বছৰ ধৰি স্থানীয় লোকসকলে নিজৰ টকাৰেই মেৰামতি কৰি আহিছে দলঙখন ৷ কিন্তু বৰ্তমান অতি বিপদজনক অৱস্থাত থকা দলঙখন টকাৰ অভাৱত নিৰ্মাণ কৰিব পৰা নাই ৰাইজে ৷ বাৰিষাৰ আগমণৰ লগে লগে এই দলঙখনক লৈ চিন্তিত হৈ পৰিছে নৈ পৰীয়া লোক ৷

বেমাৰত আক্ৰান্ত ৰোগীক চিকিৎসালয়লৈ নিয়াৰ বাবে,নৈৰ সিপাৰৰ বিদ্যালয়ত ছাত্ৰ-ছাত্ৰী অহা যোৱা কৰাৰ বাবে একমাত্ৰ যাতায়াতৰ মাধ্যম এই দলঙখন নিৰ্মাণৰ প্ৰতিশ্ৰুতি জনপ্ৰতিনিধি দি আহিছে যদিও,নিৰ্বাচনৰ পিচতে এতিয়া সেই প্ৰতিশ্ৰুতি পাহৰাৰ অভিযোগ উত্থাপন হৈছে তেওঁলোকৰ বিৰুদ্ধে ৷

লগতে পঢ়কঃহাতীখিৰা চাহ বাগিচাৰ লকআউট প্ৰত্যাহাৰৰ নিৰ্দেশ ৰাজ্যপালৰ