কৰিমগঞ্জ, 17 ডিচেম্বৰ : কৰিমগঞ্জত ত্ৰমাৎ বৃদ্ধি পাব ধৰিছে প্ৰৱঞ্চনাৰ ঘটনা ৷ তেনে এক চাঞ্চল্যকৰ ঘটনা সংঘটিত হৈছে কৰিমগঞ্জ চহৰৰ মাজমজিয়াৰ এখন বিলাসী হোটেলত ৷ বৃহস্পতিবাৰে এজন ছদ্মবেশী সাধুৱে এগৰাকী মহিলাৰ পৰা কৌশলেৰে সোণৰ আ-অলংকাৰ লৈ উধাও হয় ৷
জানিব পৰা মতে,ছদ্মবেশী সাধুজনে কৰিমগঞ্জৰ নক্ষত্ৰ হোটেলৰ সন্মুখৰ পৰা মহিলাগৰাকীক অমংগল হ‘ব বুলি কৈ ডিঙিত থকা অলংকাৰ খুলি দিবলৈ কৈ অতি কৌশলেৰে অলংকাৰখিনি লৈ ঘটনাস্থলীৰ পৰা পলায়ন কৰিবলৈ সক্ষম হয় ৷ এই সমগ্ৰ ঘটনাৰ দৃশ্য বন্দী হৈছে চিচিটিভি কেমেৰাত ৷ এই ঘটনাৰ খবৰ লাভ কৰি কৰিমগঞ্জ আৰক্ষীয়ে ঘটনাস্থলীত উপস্থিত হৈ তদন্ত অব্যাহত ৰাখিছে ৷
লগতে পঢ়ক: অসমৰ যুৱকেই বাংগালুৰুত ধৰ্ষণ কৰি হত্যা কৰিলে অসমৰে মেধাৱী ছাত্ৰীক