কৰিমগঞ্জ জিলাৰ বদৰপুৰত বিশুদ্ধ খোৱাপানীৰ বাবে হাহাকাৰ

বন্ধ হৈ পৰিছে বদৰপুৰ উপসংমণ্ডলৰ অধীনৰ প্ৰায় সকলো জল প্ৰকল্প

কৰিমগঞ্জ,২৮ মাৰ্চঃ কৰিমগঞ্জৰ বদৰপুৰত খোৱা পানীৰ বাবে হাহাকাৰ পৰিস্থিতিৰ সৃষ্টি । সম্প্ৰতি বন্ধ হৈ পৰিছে বদৰপুৰ উপসংমণ্ডলৰ অধীনৰ প্ৰায় সকলো জল প্ৰকল্প । কোনো ঠাইত যদি তেলৰ অভাৱ হৈছে ,আন ঠাইত আকৌ বিভাগীয় কৰ্মীৰ হেমাহিৰ বাবে উদ্ভৱ হৈছে এনে পৰিস্থিতিৰ । ইফালে জনপ্ৰতিনিধিয়ে পালন কৰা নাই নিজৰ প্ৰতিশ্ৰুতি । ইয়াকে লৈ ক্ষোভিত হৈ পৰিছে সাধাৰণ ৰাইজ । লগতে আগন্তুক নিৰ্বাচনত ইয়াৰ সঠিক প্ৰত্যুত্তৰ দিব বুলি সাধাৰণ ৰাইজে মন্তব্য কৰে সাংবাদিকৰ ওচৰত ।