ভাৰত-বাংলা সীমান্তত কি কৰিছে এইসকল কৃষ্ণ ভক্তই ?

কৰ'ণা আতংকৰ মাজতে ভাৰত-বাংলাদেশ সীমান্তত কৰিমগঞ্জৰ ৰামকৃষ্ণ মিচন আশ্ৰমে বিতৰণ কৰিলে খাদ্য সামগ্ৰী ৷ বিগত বছৰৰ দৰে সীমান্ত সুৰক্ষা বাহিনীৰ জোৱানক লগত লাতু গোবিন্দ পুৰৰ প্ৰায় 257 টা পৰিয়ালক খাদ্য সামগ্ৰীৰ লগতে অত্যাৱশ্যকীয় সামগ্ৰী বিতৰণ কৰে আশ্ৰমখনে ৷

কৰিমগঞ্জ,4 জুন: কৰিমগঞ্জৰ ৰামকৃষ্ণ মিচন আশ্ৰমৰ বিশেষ প্ৰয়াস। কৰ'ণা আতংকৰ মাজতে আশ্ৰমখনৰ কৰ্মকৰ্তাসকলে বৃহস্পতিবাৰে ভাৰত-বাংলাদেশ সীমান্তৰ কাটাতাঁৰৰ বাহিৰত থকা ভাৰতৰ লোকসকলক খাদ্য বিতৰণ কৰিলে ৷ সীমান্ত সুৰক্ষা বাহিনীৰ জোৱানক লগত লাতু গোবিন্দ পুৰৰ প্ৰায় 257 টা পৰিয়ালক খাদ্য সামগ্ৰীৰ লগতে অত্যাৱশ্যকীয় সামগ্ৰী বিতৰণ কৰিলে ৰামকৃষ্ণ মিচন আশ্ৰমৰ সদস্য মহাৰাজ ৰামভদ্ৰানন্দ জীয়ে।

উল্লেখ্য যে, আশ্ৰমখনৰ কৰ্মকৰ্তাসকলে বিগত বছৰৰ লকডাউনৰ সময়তো সীমান্তৰ বাহিৰত থকা ভাৰতীয় দুখীয়া লোকসকলৰ মাজত খাদ্য় সমগ্ৰী যোগান ধৰি আহিছিল ৷ এইবেলিও অনুৰূপ ধৰণে বিপদৰ সময়ত লোকসকলৰ ওচৰলৈ যোৱাত সকলোৱে প্ৰশংসা কৰিছে আশ্ৰমখনৰ কৰ্মকৰ্তাসকলক ৷

লগতে পঢ়ক:ডাউন টাউন বিশ্ববিদ্যালয়ৰ ক’ভিড হাস্পতাল পৰিদৰ্শন স্বাস্থ্যমন্ত্ৰীৰ