কৰিমগঞ্জ, 15 ডিচেম্বৰ: বৰাক উপত্যকাত অব্যাহত আছে বাৰ্মিজ চুপাৰি আৰু কয়লাকে ধৰি বাৰ্মিজ চিগাৰেটৰ ক'লা ব্যৱসায় ৷ বৰাক উপত্যকাত চলি অহা বাৰ্মিজ চিগাৰেটৰ অবৈধ ব্যৱসায় উৎখাত কৰাৰ উদ্দেশ্য দীৰ্ঘদিনৰ পৰা চলাই অহা প্ৰচেষ্টাৰ অন্তত সোমবাৰে কৰিমগঞ্জ বাজাৰীছড়া আৰক্ষীয়ে প্ৰায় পাঁচ লক্ষাধিক টকাৰ বাৰ্মিজ চিগাৰেট জব্দ কৰিবলৈ সক্ষম হৈছে ৷
কৰিমগঞ্জ বাজাড়ীছড়া আৰক্ষীৰ অভিযানত চিগাৰেটখিনি জব্দ কৰা হয় জানিব পৰা মতে গোপন সূত্ৰৰ পম খেদি আৰক্ষীয়ে মিজোৰাম সীমান্ত অতিক্ৰম কৰি অহা AS 11 CC 5342 নম্বৰৰ এখন ট্ৰাকত তালাচি চলাই প্ৰায় পাঁচ লক্ষাধিক টকাৰ বাৰ্মিজ চিগাৰেটখিনি জব্দ কৰিবলৈ সক্ষম হয় ৷ ঘটনা সন্দৰ্ভত আৰক্ষীয়ে বাহনখনৰ চালক ছালেহ আহমেদক আটক কৰি তদন্ত অব্যাহত ৰাখিছে ৷
মিজোৰাম সীমান্ত অতিক্ৰম কৰি অহা এখন ট্ৰাকৰ পৰা উক্ত সামগ্ৰীখিনি জব্দ কৰা হয় উল্লেখ্য যে কৰিমগঞ্জত দীৰ্ঘদিনৰ পৰাই বাৰ্মিজ চিগাৰেট তথা চুপাৰি আৰু কয়লাৰ ক'লা ব্যৱসায় চলি অহাৰ অভিযোগ উত্থাপিত হৈ আহিছে ৷ বিশেষকৈ অসম মিজোৰাম সীমান্তৰ কৰিমগঞ্জ জিলাৰ মেদলিছড়া অঞ্চলটো এনেধৰণৰ ক'লা ব্যৱসায়ৰ বাবে কৰিডৰ স্বৰূপ হৈ পৰাৰ অভিযোগ উত্থাপিত হৈ আহিছে ৷
ট্ৰাক খনৰ চালকক গ্ৰেপ্তাৰ কৰি আৰক্ষীয়ে সোধ পোচ আৰম্ভ কৰিছে কৰিমগঞ্জ বাজাৰীছড়া আৰক্ষীৰ এগৰাকী বিষয়াই জানিবলৈ দিয়ে যে এই ব্যৱসায়ৰ বিৰুদ্ধে তেওঁলোকে বহুদিনৰ পৰাই অভিযান অব্যাহত ৰাখিছে যদিও প্ৰতিবাৰেই চোৰাং ব্যৱসায়ী সকলে নতুন নতুন পন্থা অৱলম্বন কৰি হাত সাৰি যাবলৈ সক্ষম হয় ৷ অৱশেষত বিশেষ চোৰাংচোৱাৰ পৰা লাভ কৰা তথ্যৰ ভিত্তিত আৰক্ষীয়ে এই পাঁচ লক্ষাধিক টকাৰ বাৰ্মিজ চিগাৰেট খিনি জব্দ কৰিবলৈ সক্ষম হয় ৷
লগতে পঢ়ক:নগাঁও আৰক্ষীৰ জালত চুৰি সামগ্ৰীসহ চোৰৰ বৃহৎ দল
