জনস্বাস্থ্য কাৰিকৰী বিভাগৰ বিৰুদ্ধে বিক্ষোভ প্রদর্শন কৰিমগঞ্জবাসীৰ

বন্ধ হৈ থকা আঁচনিসমূহ পুনৰ উজ্জীৱিত কৰিবলৈ কেইবাবাৰ বিভাগীয় কৰ্তৃপক্ষক আবেদন কৰাৰ পিচতো বিভাগীয় কৰ্তৃপক্ষই কোনো ধৰণৰ ব্যৱস্থা গ্ৰহণ নকৰাৰ অভিযোগ ৰাইজৰ ৷ সেয়ে সোমবাৰে ক্ষুদ্ধ ৰাইজে কায়স্থগ্রাম পানী যোগান আঁচনিৰ বিভাগীয় কতৃপক্ষৰ বিৰুদ্ধে পথ অৱৰোধ কাৰ্যসূচী ৰূপায়ণ কৰে ৷

কৰিমগঞ্জ, 5 অক্টোবৰঃকৰিমগঞ্জত গভীৰ নিদ্ৰাত জনস্বাস্থ্য কাৰিকৰী বিভাগ ৷ বন্ধ পানী যোগান আঁচনিক লৈ উত্তাল দক্ষিণ কৰিমগঞ্জ। দৰাচলতে, কৰিমগঞ্জ জিলাৰ প্ৰায় 60 শতাংশ পানী যোগান আঁচনি দীৰ্ঘ বছৰ ধৰি বন্ধ অৱস্থাত আছে । বন্ধ হৈ থকা আঁচনিসমূহ সুচল কৰি তুলিবলৈ জনস্বাস্থ্য কাৰিকৰী বিভাগৰ আহৰি নাই বুলি অভিযোগ কৰিছে স্থানীয় ৰাইজে ৷

বন্ধ হৈ থকা আঁচনিসমূহ পুনৰ উজ্জীৱিত কৰিবলৈ কেইবাবাৰ বিভাগীয় কৰ্তৃপক্ষক আবেদন কৰাৰ পিচতো বিভাগীয় কৰ্তৃপক্ষই কোনো ধৰণৰ ব্যৱস্থা গ্ৰহণ নকৰাৰ অভিযোগ ৰাইজৰ ৷ সেয়ে সোমবাৰে ক্ষুদ্ধ ৰাইজে কায়স্থগ্রাম পানী যোগান আঁচনিৰ বিভাগীয় কতৃপক্ষৰ বিৰুদ্ধে পথ অৱৰোধ কাৰ্যসূচী ৰূপায়ণ কৰে ৷

উল্লেখ্য যে, পাঁচখন গাঁৱৰ একমাত্ৰ ভৰষা এই পানী যোগান আঁচনিটো বন্ধ হৈ থকাৰ ফলত ৰাইজে পুখুৰী, নলা আদিৰ পানী খাই জীৱন অতিবাহিত কৰিবলগীয়া হৈছে । যাৰ বাবে বিশুদ্ধ পানীৰ অভাৱত বিভিন্ন ৰোগৰ কৱলত পৰিছে অঞ্চলবাসী ৷ সেয়ে শীঘ্ৰে পানী যোগান আঁচনি সন্দৰ্ভত কতৃপক্ষক মেৰামতিৰ ব্যৱস্থা কৰিবলৈ দাবী জনাইছে ৰাইজে ৷

লগতে পঢ়কঃসন্ত্ৰাসবাদীৰ আক্ৰমণত থিতাতে নিহত দুগৰাকী জোৱান