কৰিমগঞ্জত অনুষ্ঠিত ৰাজ্যিক বিজেপিৰ কাৰ্যনিৰ্বাহক সভাক লৈ সমালোচনা কংগ্ৰেছৰ

কয়লা চিণ্ডিকেটৰ টকা খৰচ কৰি কৰিমগঞ্জত ৰাজ্যিক বিজেপিয়ে কাৰ্যনিৰ্বাহক সভা অনুষ্ঠিত কৰিছে বুলি মঙলবাৰে অনুষ্ঠিত এখন দলীয় সভাত গুৰুতৰ অভিযোগ কৰে কৰিমগঞ্জ জিলা কংগ্ৰেছে ৷

কৰিমগঞ্জ, 22 ডিচেম্বৰ: কৰিমগঞ্জত অনুষ্ঠিত ৰাজ্যিক বিজেপিৰ কাৰ্যনিৰ্বাহক সভাক লৈ সমালোচনা জিলা কংগ্ৰেছৰ ৷ তেওঁলোকৰ অভিযোগ কয়লা চিণ্ডিকেটৰ টকা খৰচ কৰি কৰিমগঞ্জত তেওঁলোকে অনুষ্ঠিত কৰিছে বিশাল কাৰ্যনিৰ্বাহক সভা ৷

মুখ্যমন্ত্ৰী সৰ্বানন্দ সোণোৱালে বৰা-ব্ৰহ্মপুত্ৰ, পাহাৰ-ভৈয়ামৰ কথা উল্লেখ কৰি থাকে কিন্তু সেই বৰাক উপত্যকাত ভাষা আন্দোলনত নিহত ব্যক্তি সকলক তেওঁ আজি পৰ্যন্ত শ্বহীদৰ মৰ্যাদা প্ৰদান নকৰিলে বুলি অভিযোগ কৰে জিলা কংগ্ৰেছৰ বিষয়ববীয়াসকলে ৷ লগতে তেওঁলোকে বিজেপি দলে কয়লা চিণ্ডিকেটকে ধৰি ভিন্ন চিণ্ডিকেটৰ টকা খৰচেৰে সভাখন অনুষ্ঠিত কৰা বুলিও মন্তব্য কৰে ৷ আনহাতে বৰাক উপত্যকাত কাগজ কল বন্ধ সম্পৰ্কত মুখ্যমন্ত্ৰীৰ স্পষ্ট স্থিতি প্ৰদানৰো আহ্বান কৰিলে কৰিমগঞ্জ জিলা কংগ্ৰেছৰ সভাপতি সতু ৰয়ে ৷

লগতে পঢ়ক:চিৰাঙৰ লাউক্ৰীগুৰিবাসীৰ খোৱাপানীৰ সমস্যা সমাধানৰ আশ্বাস প্ৰমোদ বড়োৰ