কৰিমগঞ্জত নিচাজাতীয় টেবলেটসহ আটক দুজন

কৰিমগঞ্জৰ বাজাৰিচৰা আৰক্ষীয়ে শিলচৰৰ পৰা ত্ৰিপুৰাৰ ধৰ্মনগৰ অভিমুখী যাত্ৰীবাহী বাছত তালাচী চলাই  জব্দ কৰে 16000 টা নিচাজাতীয় টেবলেটসহ আটক দুজন সন্দেহজনক যাত্ৰী ৷

কৰিমগঞ্জ, 3 আগষ্টঃ কৰিমগঞ্জৰ বাজাৰিচৰা আৰক্ষীৰ বৃহৎ সফলতা ৷ শিলচৰৰ পৰা ত্ৰিপুৰাৰ ধৰ্মনগৰ অভিমুখী যাত্ৰীবাহী বাছত তালাচী চলাই জব্দ কৰে 16000 টা নিচাজাতীয় টেবলেট ৷ লগতে আটক কৰে দুজন সন্দেহজনক যাত্ৰীক ৷ বাছখনৰ নম্বৰ হৈছে AS 24C 6025 ৷ টেবলেটখিনি ত্ৰিপুৰা হৈ বাংলাদেশলৈ সৰবৰাহ কৰাৰ উদ্দেশ্যে লৈ যোৱা হৈছিল বুলি সন্দেহ কৰা হৈছে ৷ টেবলেট খিনিৰ বজাৰ মূল্য হ'ব প্ৰায় 90 লাখ টকা ৷ আনহাতে তদন্তৰ স্বাৰ্থত আটকাধীন ব্যক্তি দুজনৰ পৰিচয় গোপনে ৰাখিছে আৰক্ষীয়ে ৷