কৰিমগঞ্জত তীব্ৰবেগী বাহনে মহতিয়াই নিলে চাইকেল আৰোহীক

দেওবাৰে কৰিমগঞ্জৰ বাৰইগ্ৰামত শোকাৱহ পথ দুৰ্ঘটনা ৷ তীব্ৰবেগী বাহনে মহতিয়াই নিয়ে এজন দিন হাজিৰা কৰা চাইকেল আৰোহীক ৷ ঘটনা সন্দৰ্ভত আৰক্ষীৰ তদন্ত অব্যাহত ৷

কৰিমগঞ্জ,18 অক্টোবৰ : কৰিমগঞ্জৰ বাৰইগ্ৰামত দেওবাৰে সংঘটিত হয় এক ভয়াৱহ পথ দুৰ্ঘটনা ৷ দুৰ্ঘটনাটোত থিতাতে নিহত হয় এজন যুৱকৰ ৷ মৃত্যু হোৱা যুৱকৰ নাম বদৰুল ইছলাম আৰু তেওঁৰ ঘৰ দক্ষিণ কৰিমগঞ্জ সমষ্টিৰ সিংগাৰিয়া গাঁৱত বুলি জানিব পৰা গৈছে ৷

প্ৰাপ্ত তথ্য মতে,পেচাত দিন হাজিৰা কৰা যুৱকজনে চাইকেলেৰে অসম-ত্ৰিপুৰা সংযোগী 8 নং ৰাষ্ট্ৰীয় ঘাইপথেৰে গৈ থাকোতে বিপৰীত প্ৰান্তৰ পৰা অহা তীব্ৰবেগী NL-01P-1220 নম্বৰৰ এখন অল্টো গাড়ীয়ে যুৱকজনক বগৰাই দিয়ে ৷

কৰিমগঞ্জত তীব্ৰবেগী বাহনে মহতিয়াই নিলে চাইকেল আৰোহীক

আনহাতে,আন এখন AS-10-AC-5363 নম্বৰৰ এখন এপি বাহনে বাগৰি পৰা যুৱকজনক মহতিয়াই নিয়ে । ঘটনা সন্দৰ্ভত ইতিমধ্যে আৰক্ষীয়ে মৃতদেহটো মৰণোত্তৰ পৰীক্ষাৰ বাবে প্ৰেৰণ কৰাৰ সমান্তৰালকৈ বাহন দুখন জব্দ কৰিছে ।

লগতে পঢ়ক :ৰঙিয়াত দুটা দশৰ ধৰি বিকল হৈ আছে চৰকাৰী পানী যোগান আঁচনি