কৰিমগঞ্জ,29 জানুৱাৰীঃ ভাৰত-বাংলা সীমান্তত থকা প্ৰায় 700 গৰাকী লোকক ভাৰতৰ ভূখণ্ড লৈ অনাৰ যোজা কৰিছে চৰকাৰে ৷ কৰিমগঞ্জ জিলাৰ কুতক দেওতলী, লাফাশাইল, লাতুকান্দি,গোবিন্দপুৰ, তেশুয়াকে ধৰি সীমান্তত থকা প্ৰায় 700 গৰাকীকৈ লোক আছে ৷ যি সকলৰ ঘৰ কাঁইটিয়া তাঁৰৰ বেৰৰ বাহিৰত ৷ ইপিনে সীমান্তৰ গেট যেতিয়া নিশা হ’লে বন্ধ কৰি দিয়া হয় তেতিয়া ভাৰতৰ নাগৰিকত্ব হেৰুৱাব লগা হয় তেওঁলোকে ৷ একেদৰে তেওঁলোকৰ নিশা বিভিন্ন সমস্যাৰ সৃষ্টি হ’লে ভয়ংকৰ বিপদত পৰিবলগীয়া হয় গেট বন্ধ থকাৰ বাবে ৷
কৰিমগঞ্জত নিশা হ’লেই ভাৰতীয় নাগৰিকত্ব হেৰুৱাই একাংশ লোকে !
উল্লেখযোগ্য যে,ভাৰতীয় লোকসকলে নিজা মাটিত দীৰ্ঘ দিন ধৰি বসবাস কৰি আহিছে । কাঁইটিয়া বেৰ দিয়াৰ সময়ত এই সকল লোকক মূল ভূখণ্ডত চামিল নকৰিলে চৰকাৰে । ইপিনে বেৰৰ বাহিৰত থকা লোক সকলে বন্দী দশাৰ পৰা মুক্তি পাবলৈ হাইপাৱাৰ কমিটিৰ ওচৰত দাবী জনাই আহিছিল যদিও আজিলৈকে তেওঁলোকৰ সমস্যা সমাধান নহ’ল।