কৰিমগঞ্জ,28এপ্ৰিল: ৰাজ্যত সক্ৰিয় হৈ আছে এটাৰ পাচত এটাকৈ বিভিন্ন ছিণ্ডিকেট । এইবাৰ কৰিমগঞ্জত পোহৰলৈ আহিছে অবৈধ শিল চিণ্ডিকেটৰ ঘটনা ৷ কৰিমগঞ্জৰ অসম-ত্ৰিপুৰা সংযোগী ৰাষ্ট্ৰীয় ঘাইপথেদি শতাধিক অবৈধ শিলভৰ্তি ট্ৰাক দৈনিক মুক্তভাৱে আহ-যাহ কৰি আছে ৷
ইপিনে অবৈধভাৱে বহিঃৰাজ্যলৈ ৰপ্তানি হৈ থকা শিলৰ চিণ্ডিকেটৰ বিৰুদ্ধে কোনো কাণসাৰ নাই বন বিভাগ তথা আৰক্ষীৰ ৷ চালানবিহীনভাৱে শিল কঢ়িওৱা একাংশ ট্ৰাকচালকসকলৰ মতে আৰক্ষী আৰু বনবিভাগৰ লোকে 100 ৰ পৰা 500 টকা লৈকে ধন সংগ্ৰহ কৰাৰ লগতে শিলৰ মহালদাৰ তাজ নামৰ লোকজনৰ নাম ক'লেই চালানবিহীনভাৱে এৰি দিয়ে অবৈধ শিল কঢ়িওৱা ট্ৰাকসমূহ ৷