নদিয়াপুৰ, 5 মাৰ্চঃএক গোপন সূত্ৰৰ ভিত্তিত অভিযান চলাই নদিয়াপুৰ ৰে'ল ষ্টেচনত শিলচৰ আগৰতলা যাত্ৰীবাহী ৰে'লত তালাচী চলাই, 20 হেজাৰ ইয়াবা টেবলেটৰ লগতে বিভিন্ন ধৰণৰ নিচা জাতীয় সামগ্ৰী জব্দ কৰিবলৈ সক্ষম হৈছে ত্ৰিপুৰা আৰক্ষী ৷ এই অভিযানত নিচা জাতীয় সামগ্ৰীসহ আৰক্ষীয়ে আটক কৰে তিনি গৰাকী সৰবৰাহকাৰীক ৷ আটকাধীন যুৱক কেইজন ক্ৰমে কাজল মিঞা, কুৰশ্বেদ মিঞা আৰু প্ৰানেশ পাল বুলি জানিব পৰা গৈছে ৷ বৰাকৰ পৰা নিচা জাতীয় সামগ্ৰী সংগ্ৰহ কৰি আগৰতলা লৈ যোৱাৰ চেষ্টা চলাইছিল যুৱককেইজনে ৷ আটকাধীন যুৱককেইজনক বৰ্তমান চুৰাইবাড়ী আৰক্ষী চকীত ৰাখি ত্ৰিপুৰা আৰক্ষীয়ে জেৰা অব্যাহত ৰাখিছে ।
নদিয়াপুৰ ৰে'ল ষ্টেচনত নিচা জাতীয় সামগ্ৰীসহ আটক তিনি যুৱক