হাতীখিৰা চাহ বাগিচাৰ লকআউট প্ৰত্যাহাৰৰ নিৰ্দেশ ৰাজ্যপালৰ

দূৰ্গাপূজাৰ বনাচ দিব নোৱাৰি ৰাতিৰ অন্ধকাৰত লকআউট ঘোষণা কৰি পলায়ন কৰিছিল হাতীখিৰা চাহ বাগিচাৰ মালিক গোষ্ঠীয়ে ৷ আৰু তাৰ পিছৰ পৰাই অনাহাৰে দিন কটাইছে বাগিচাখনৰ বহু শ্ৰমিকে ৷ চিকিৎসাৰ অভাৱত মৃত্যু হৈছে বহু শ্ৰমিকৰ ৷

কৰিমগঞ্জ,3 মাৰ্চঃআজিৰ পৰা ৬মাহ পূৰ্বে পৰিচালকৰ প্ৰতাৰণাৰ বলি হৈছিল কৰিমগঞ্জ জিলাৰ পাথাৰকান্দি সমষ্টিৰ হাতীখিৰা চাহ বাগিচা ৷ দূৰ্গাপূজাৰ বনাচ দিব নোৱাৰি ৰাতিৰ অন্ধকাৰত লকআউট ঘোষণা কৰি পলায়ন কৰিছিল কলিকতাৰ মালিক গোষ্ঠীয়ে ৷ আৰু তাৰ পিছৰ পৰাই অনাহাৰে দিন কটাইছে বাগিচাখনৰ বহু শ্ৰমিকে ৷ চিকিৎসাৰ অভাৱত মৃত্যু হৈছে বহু শ্ৰমিকৰ ৷ বাগিচাখন মুকলি কৰাৰ বাবে বিশেষ পদক্ষেপ গ্ৰহণ কৰিছিল পাথাৰকান্দি সমষ্টিৰ বিধায়ক কৃষ্ণেন্দু পালে ৷ সময়ে সময়ে ব্যক্তিগতভাৱে বাগিচাৰ কৰ্মচাৰীসকলক সাহায্যও প্ৰদান কৰি আহিছে বিধায়কগৰাকীয়ে ৷

উল্লেখ্য যে, ১৯৫৬ লেবাৰ প্লেনটেছন এক্ট অনুসৰি ৰাজ্যপাল জগদীশ মুখীয়ে এই লকআউট প্ৰত্যাহাৰ কৰাৰ বাবে এক পত্ৰযোগে লেবাৰ কমিচনক নিৰ্দেশ দিছে ৷ ইয়াৰ পিছতেই মঙলবাৰে কৰিমগঞ্জ শ্ৰম অধিকাৰীক,স্থানীয় বিজেপি নেতৃত্ব,বাগিচাৰ পঞ্চায়ত আৰু শ্ৰমিক সকলক লৈ এখন মুকলি সভা অনুষ্ঠিত কৰা হয় ৷

লগতে পঢ়ক-অস্তিত্ব সংকটত বৰ্নীহাট ছাগলী গৱেষণা কেন্দ্ৰ