পাকিস্তান জিন্দাবাদ ধ্বনিঃ প্ৰাক্তন মন্ত্ৰী ছিদ্দিক আহমেদৰ প্ৰতিক্ৰিয়া

এইয়া একাংশ দায়িত্বশীল মন্ত্ৰীৰ নিকৃষ্ট কাম বুলি উল্লেখ কৰি এই ঘটনাক একাংশ নেতাই সাম্প্ৰদায়িক ৰূপ দিয়াৰ চেষ্টা কৰিছে বুলি মন্তব্য কৰে প্ৰাক্তন মন্ত্ৰী গৰাকীয়ে ৷

কৰিমগঞ্জ,7 নৱেম্বৰ: পাকিস্তান জিন্দাবাদ ধ্বনিক লৈ উত্তাল হৈ পৰিছে ৰাজ্যৰ ৰাজনীতি ৷ শুকুৰবাৰে শিলচৰ বিমানবন্দৰত এআইইউডিএফ প্ৰধান বদৰুদ্দিন আজমলক আদৰিবলৈ গৈ একাংশ সমৰ্থকে পাকিস্তান জিন্দাবাদ ধ্বনি দিয়াৰ এটা বিশেষ ভিডিঅ' ভাইৰেল হৈ পৰাৰ পাছতে উত্তাল হৈ পৰিছে ৰাজ্যৰ ৰাজনীতি ৷ য'ত শুনিবলৈ পোৱা গৈছে পাকিস্তান জিন্দাবাদ ধ্বনি ৷ এইয়া এ আই ইউ ডিএফ কৰ্মীৰ কাণ্ড বুলি অভিযোগ উত্থাপন কৰিছে শাসকীয় বিজেপি দলে ৷ আনহাতে এইয়া বিজেপিৰ যড়যন্ত্ৰ বুলি উল্লেখ কৰি প্ৰতিক্ৰিয়া প্ৰকাশ কৰিছে এ আই ইউ ডিএফৰ বহু কেইজন নেতাই ৷ ঘটনা সন্দৰ্ভত এইবাৰ প্ৰতিক্ৰিয়া ব্যক্ত কৰিলে প্ৰাক্তন মন্ত্ৰী ছিদ্দিক আহমেদে ৷

মন্ত্ৰী গৰাকীয়ে উল্লেখ কৰে যে,বিজেপিৰ কিছু দায়িত্বশীল মন্ত্ৰীয়ে এই ঘটনাক সাম্প্ৰদায়িক ৰূপ দিয়াৰ চেষ্টা কৰিছে ৷ এনে কাণ্ডক নিকৃষ্টতম ৰাজনীতি বুলি উল্লেখ কৰি নিৰ্বাচন আহিলেই বিজেপিয়ে বিভাজনৰ ৰাজনীতি কৰে বুলি মন্তব্য কৰে প্ৰাক্তন মন্ত্ৰী গৰাকীয়ে ৷

লগতে পঢ়কঃমন্ত্ৰী যোগেন মহনৰ বাসগৃহত বিজেপিত যোগদান কাৰ্যসূচী