হোম কোৱাৰেণ্টাইনত প্ৰাক্তন মন্ত্ৰী ছিদ্দিক আহমেদ

কৰিমগঞ্জৰ কচুৱাধামস্থিত কোৱাৰেন্টাইন কেন্দ্ৰত থকা জামাতী সকলক লগ কৰিবলৈ যোৱা বাবে কৰিমগঞ্জ প্ৰশাসনে হোম কোৱাৰেণ্টাইনত ৰাখিলে প্ৰাক্তন মন্ত্ৰী ছিদ্দিক আহমেদক ৷

কৰিমগঞ্জ, 8 মে': প্ৰাক্তন মন্ত্ৰী ছিদ্দিক আহমেদক হোম কোৱাৰেণ্টাইনত ৰাখিলে কৰিমগঞ্জ প্ৰশাসনে ৷ জানিব পৰা মতে, প্ৰাক্তন মন্ত্ৰী গৰাকীয়ে কৰিমগঞ্জৰ কচুৱাধামস্থিত কোৱাৰেন্টাইন কেন্দ্ৰত থকা জামাতী সকলক সাক্ষাৎ কৰিবলৈ গৈছিল ৷ তেওঁৰ লগত আন কেইবাগৰাকীও লোক গৈছিল সেই কোৱাৰেণ্টাইন কেন্দ্ৰলৈ ৷

প্ৰাক্তন মন্ত্ৰী গৰাকীৰ লগত যোৱা লোকসকলকো কোৱাৰেন্টাইনত ৰখাৰ ব্যৱস্থা কৰিছে প্ৰশাসনে ৷ উল্লেখ্য যে, বিগত সপ্তাহত কৰিমগঞ্জৰ কচুৱাধামস্থিত কোৱাৰেন্টাইন কেন্দ্ৰত জামাতৰ পৰা উভতি অহা এগৰাকী লোকৰ দেহত ধৰা পৰিছিল COVID-19ৰ অৱস্থিতি ৷

লগতে পঢ়কঃএকেদিনাই অসমত 8 গৰাকী COVID-19ত আক্ৰান্ত চিনাক্ত