কৰিমগঞ্জত নিষিদ্ধ নিচাযুক্ত টেবলেটসহ যুৱক আটক

সীমা সুৰক্ষা বাহিনীৰ অভিযানত নুমান উদ্দীন নামৰ এজন যুৱকৰ পৰা জব্দ প্ৰায় ৭০০০ টা নিচাজাতীয় টেবলেট ৷

কৰিমগঞ্জ, 11 চেপ্তেম্বৰঃকৰিমগঞ্জৰ মোবাৰকপুৰৰ পৰা জব্দ প্ৰায় ৭০০০ টা নিচাজাতীয় টেবলেট ৷ সীমা সুৰক্ষা বাহিনীৰ অভিযানত নিচাজাতীয় টেবলেটসহ আটক কৰে নুমান উদ্দীন নামৰ এজন যুৱকক ৷ গোপন সূত্ৰৰ পম খেদি ভাৰত-বাংলাদেশ সীমান্তৰ মোবাৰকপুৰ বি.অ.পি. অঞ্চলৰ পৰা জব্দ কৰে টেবলেটখিনি | জব্দকৃত টেবলেটখিনিৰ বজাৰ মূল্য প্ৰায় 35 লক্ষাধিক টকা | আনহাতে, এই নিচাজাতীয় সামগ্ৰী সৰবৰাহত জড়িত আন তিনি গৰাকী লোক পলাই যাবলৈ সক্ষম হয় ৷ সম্প্ৰতি আটকাধীন লোকজনক সোধা পোছা অব্যাহত ৰাখিছে আৰক্ষীয়ে৷