কৰিমগঞ্জ, 8 জুলাই : কৰিমগঞ্জ (Karimganj) জিলাৰ নিলাম বজাৰ আৰক্ষীয়ে বুধবাৰে অভিযান চলাই বুজন পৰিমাণৰ ড্ৰাগছ (Drug)জব্দ কৰে ৷ নিলাম বজাৰ আৰক্ষী (Nilambazar Police)য়ে জিলা (Karimganj)খনৰ লোহাৰপাড়া গাঁৱৰ বুৰহান উদ্দিন নামৰ লোকজনৰ ঘৰৰ পৰা জব্দ কৰে ড্ৰাগছ (Drug)খিনি ৷ অৱশ্যে আৰক্ষীয়ে অভিযানৰ সময়ত কোনো লোকক গ্ৰেপ্তাৰ কৰিবলৈ সক্ষম হোৱা নাই ৷ আৰক্ষীৰ অভিযানৰ সময়ত কাৰাগাৰত কাৰাবন্দী হৈ আছিল বুৰহান উদ্দিন ৷
উল্লেখ্য যে, নিলাম বজাৰ আৰক্ষী (Nilambazar Police)য়ে লোহাৰপাড়া গাঁৱৰ বুৰহান উদ্দিনৰ ঘৰত কেইবাদিন পূৰ্বে অভিযান চলাই বৃহৎ পৰিমাণৰ ড্ৰাগছ (Drug) জব্দ কৰাৰ লগতে তেওঁক গ্ৰেপ্তাৰ কৰিছিল । ঘৰৰ এজন সদস্য ড্ৰাগছ ব্যৱসায়ত জড়িত থকা সময়ত আকৌ সেই ঘৰতে ড্ৰাগছ (Drug)ৰ ব্যৱসায় চলি থকাৰ ঘটনা একেবাৰে সাধাৰণ নহয় । বৰং ড্ৰাগছ (Drug)ৰ বেহা যে বহু তললৈ শিপাই আছে বুৰহান উদ্দিনৰ ঘৰত ড্ৰাগছ উদ্ধাৰ হোৱা ঘটনাই সেয়াই প্ৰমাণ কৰে ।