কৰিমগঞ্জৰ নিলামবজাৰত চাঞ্চল্যকৰ ঘটনা, উদ্ধাৰ মৃতদেহ

কৰিমগঞ্জৰ মডেল চিনিয়ৰ চেকেণ্ডাৰি স্কুলৰ পাছফালে উদ্ধাৰ মৃতদেহ ৷ মৃতদেহ উদ্ধাৰ হোৱাক লৈ নিলামবজাৰত চাঞ্চল্য ৷

কৰিমগঞ্জ, 1 জানুৱাৰীঃ কৰিমগঞ্জৰ নিলামবজাৰত চাঞ্চল্যকৰ ঘটনা । মডেল চিনিয়ৰ চেকেণ্ডাৰি স্কুলৰ পাছফালৰ পৰা উদ্ধাৰ এটা মৃতদেহ । উদ্ধাৰ হোৱা মৃতদেহটো তাজউদ্দিন নামৰ এজন যুৱকৰ বুলি চিনাক্ত কৰা হৈছে । যুৱকজনক হত্যা কৰি এই স্থানত পেলাই দিয়াৰ সন্দেহ প্ৰকাশ কৰিছে স্থানীয় লোকে ।

মৃত তাজউদ্দিনৰ ঘৰ নিলামবজাৰৰ আলমখানি গাঁৱত বুলি জানিব পৰা গৈছে । পেছাত এজন গাড়ী চালক আছিল তাজউদ্দিন । যোৱা সোমবাৰৰ পৰা ঘৰৰ পৰা বাহিৰত আছিল তাজউদ্দিন ।

বৰ্তমান ঘটনাস্থলীত নিলামবজাৰ আৰক্ষী উপস্থিত হৈ তদন্ত আৰম্ভ কৰিছে । ঘটনাত জড়িত দুষ্কৃতিকাৰীক কৰায়ত্ব কৰাৰ দাবীত ঘাইপথ অৱৰোধ কৰে স্থানীয় লোকে ৷ অসম ত্ৰিপুৰা সংযোগী 8 নং ৰাষ্ট্ৰীয় ঘাইপথ অৱৰোধ কৰিলে ক্ষুব্ধ জনতাই ।

• লগতে চাওক-বিপদ স্বত্বেও ভুল পথেৰে যাত্ৰা!