কৰিমগঞ্জ, 16 জানুৱাৰী : সমগ্ৰ দেশতে ইতিমধ্যে একেলগে আৰম্ভ হৈছে ক’ৰণাৰ প্ৰতিষেধক প্ৰদানৰ প্ৰক্ৰিয়া । বৰাক উপত্যকাৰ শিলচৰ, হাইলাকান্দিসহ সীমান্ত জিলা কৰিমগঞ্জতো ক’ৰণা প্ৰতিষেধক প্ৰদান কৰাৰ সকলো প্ৰস্তুতি সম্পন্ন কৰা হৈছে । প্ৰধানমন্ত্ৰী নৰেন্দ্ৰ মোদীয়ে দিল্লীৰ পৰা ভিডিঅ’ কনফাৰেন্সৰ যোগেদি ক’ৰণা প্ৰতিষেধক প্ৰদান কাৰ্যসূচীৰ শুভাৰম্ভ কৰে ।
কৰিমগঞ্জ স্বাস্থ্য বিভাগে শুকুৰবাৰে হৈ যোৱা এখন সংবাদমেলত কৰিমগঞ্জ জিলাৰ পাথাৰকান্দি মডেল চিকিৎসালয় আৰু কৰিমগঞ্জৰ অসামৰিক চিকিৎসালয়ৰ টিকাকৰণ কেন্দ্ৰত প্ৰতিষেধক দিয়াৰ সকলো ব্যৱস্থা কৰাৰ কথা জানিবলৈ দিয়ে । তেওঁ প্ৰথম পৰ্যায়ত চিকিৎসক আৰু স্বাস্থ্যকৰ্মীসকলক ক‘ৰণা প্ৰতিষেধক দিয়া হ’ব বুলি উল্লেখ কৰে । ইতিমধ্যে কৰিমগঞ্জ স্বাস্থ্য বিভাগে প্ৰথম পৰ্যায়ৰ টিকাকৰণৰ বাবে ক’ভিড শ্বিল্ডৰ ৩,৩৪০ টা প্ৰতিষেধক লাভ কৰিছে ৷
লগতে পঢ়ক :সংকটজনক অৱস্থাত চিকিৎসাধীন প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত