দলীয় স্থিতি মজবুত কৰিবলৈ বৰাক ভ্ৰমণ জিতেন্দ্ৰ সিঙৰ

প্ৰাক্তন কেন্দ্ৰীয় মন্ত্ৰী তথা নিখিল ভাৰত কংগ্ৰেছ কমিটীৰ সাধাৰণ সম্পাদক জিতেন্দ্ৰ সিঙে কৰিমগঞ্জৰ এখন দলীয় সভাত অংশ গ্ৰহণ কৰে ৷ এই সভাতে ৰাতাবাৰীৰ প্ৰাক্তন বিজেপি বিধায়ক শম্ভূ সিং মাল্লা আৰু কৰিমগঞ্জ জিলাৰ প্ৰাক্তন এআইইউডিএফ সভাপতি আব্দুল মালিক চৌধুৰীয়ে আনুষ্ঠানিকভাৱে কংগ্ৰেছত যোগদান কৰে ৷

কৰিমগঞ্জ, 6 ডিচেম্বৰ:কংগ্ৰেছৰ দলৰ ভেটি শক্তিশালী কৰাৰ উদ্দেশ্যে কৰিমগঞ্জত উপস্থিত প্ৰাক্তন কেন্দ্ৰীয় মন্ত্ৰী তথা নিখিল ভাৰত কংগ্ৰেছ কমিটীৰ সাধাৰণ সম্পাদক জিতেন্দ্ৰ সিং ৷ কৰিমগঞ্জত উপস্থিত জিলা পুথিভঁৰাল প্ৰেক্ষাগৃহত এখন দলীয় সভাত অংশগ্ৰহণ কৰে নেতাগৰাকীয়ে ৷

কৰিমগঞ্জত উপস্থিত প্ৰদেশ কংগ্ৰেছৰ প্ৰভাৰী জিতেন্দ্ৰ সিং

জ্যেষ্ঠ নেতাগৰাকীৰ সৈতে উপস্থিত থাকে প্ৰদেশ কংগ্ৰেছৰ কেইবাগৰাকীও নেতাৰ লগতে বৰাক উপত্যকাৰ বহু কংগ্ৰেছ নেতা ৷ দেওবাৰে ৰাতাবাৰীৰ প্ৰাক্তন বিজেপি বিধায়ক শম্ভূ সিং মাল্লা আৰু কৰিমগঞ্জ জিলাৰ প্ৰাক্তন এআইইউডিএফ সভাপতি আব্দুল মালিক চৌধুৰীয়ে নেতাগৰাকীৰ উপস্থিতত আনুষ্ঠানিকভাৱে কংগ্ৰেছত যোগদান কৰে ৷ আনহাতে দলীয় সভাখনৰ শেষত সংবাদ সন্মিলনীত নেতাগৰাকীয়ে AIUDFৰ সৈতে মিত্ৰতা সম্বন্ধতো মন্তব্য প্ৰদান কৰে ৷

লগতে পঢ়ক:অগপৰ নগাঁও বিধান পৰিষদৰ প্ৰথমখন কাৰ্যকৰী সভা