কৰিমগঞ্জ,7 জুলাই:ভাৰতীয় সংবিধানৰ আধাৰত দেশত বাল্য বিবাহ হৈছে আইন বিৰোধী ৷ কিন্তু সংবিধান উলংঘা কৰি ৰাজ্যখনৰ কৰিমগঞ্জত সংঘটিত হৈছে বাল্য বিবাহৰ এক ঘটনা ৷ উক্ত ঘটনাত নাম সাঙোৰ খাইছে এগৰাকী আৰক্ষী বিষয়াৰ ৷ জিলাখনৰ জৰাৰবজাৰ এলেকাত জনসাধাৰণৰ অজ্ঞাতে সংঘটিত হৈছে এক বাল্য বিবাহ ৷ কিন্তু উক্ত বিবাহৰ পঞ্জীয়ন পত্ৰত হস্তাক্ষৰ প্ৰদান কৰে কৰিমগঞ্জ থানাৰ এগৰাকী আৰক্ষী বিষয়াই ৷ পৰৱৰ্তী সময়ত এই খবৰ বনজুইৰ দৰে বিয়পি পৰাত জিলা আৰক্ষী অধীক্ষকে এই খবৰ লাভ কৰি ঘটনাৰ উচিত তদন্তৰ আশ্বাস দিয়ে ৷
বাল্য বিবাহৰ ঘটনাত নাম সাঙোৰ আৰক্ষীৰ ঘটনাৰ বিৱৰণী অনুসৰি,বিগত 18 জুনত এজন নাবালিকে অঞ্চলটোৰ এগৰাকী নাবালিকাৰ সৈতে বিবাহ কাৰ্য সমাপন কৰে ৷ কিন্তু গোপনে হোৱা এই বাল্য বিবাহৰ খবৰ লাভ কৰি কৰিমগঞ্জ সদৰ থানাত গোচৰ ৰুজু কৰে নাবালিকা গৰাকীৰ সম্পৰ্কীয় ভাতৃ জয়নুল মিঞাই । ইতিমধ্যে আৰক্ষী বিষয়া গৰাকীয়ে ক্ষমতাৰ অপব্যৱহাৰ কৰি উক্ত বিবাহৰ পঞ্জীয়ন পত্ৰত চৰকাৰী ছীল মোহৰ লগোৱাৰো অভিযোগ উত্থাপিত কৰিছে নাবালিকাগৰাকীৰ ভাতৃয়ে ৷ সম্প্ৰতি নাবালিকাগৰাকীৰ ভাতৃয়ে দিয়া এজাহাৰৰ ভিত্তিত থানা কৰ্তৃপক্ষই এক মীমাংসা পত্ৰ তৈয়াৰ কৰি নাবালিকাগৰাকী প্ৰাপ্তবয়স্ক নোহোৱালৈ মাতৃগৃহত থকাৰ নিৰ্দেশ প্ৰদান কৰিছে বুলি জিলা আৰক্ষী অধীক্ষক গৰাকীয়ে ব্যক্ত কৰে ৷
লগতে চাওকঃটীয়কত পানী যোগান আঁচনিৰ ধন মোকলাই নিয়াৰ অভিযোগ
