কৰিমগঞ্জ,4 আগষ্ট :ভাৰত-বাংলাদেশ সীমান্ত (India-Bangladesh Border)ত অৱস্থিত ভাৰতীয় গাঁওসমূহত এতিয়া সন্দেহযুক্ত বাংলাদেশী (Bangladeshi)ৰ দপদপনি ৷ কৰিমগঞ্জ জিলা (Karimganj District)ৰ পাথাৰকান্দি থানা (Patharkandi Police Station)ৰ অধীনস্থ বুবৰিঘাট চাহ বাগিচা (Bhubrighat Tea Estate) অঞ্চলত দীৰ্ঘদিনৰ পৰা এই সন্দেহযুক্ত বাংলাদেশী (Bangladeshi) লোকসকলে চলাই গৈছে গৰুৰ চুৰিকাণ্ড ।
প্ৰতিনিশাই বাগিচা অঞ্চলত সোমাই স্থানীয় লোক সকলৰ গোহালিৰ পৰা গৰু চুৰ কৰি লৈ যায় বাংলাদেশী গৰু চোৰৰ দলে । ওচৰ চুবুৰীয়া আদমটিলা, লংগাই, পুতনি, কুকীতল, চিপেনজুৰি আদি অঞ্চলসমূহতো আন্ধাৰৰ সুযোগ লৈ সন্দেহযুক্ত বাংলাদেশী গৰু চোৰে চলাই আহিছে সন্ত্ৰাস । অভিযোগ অনুসৰি বাংলাদেশী গৰু চোৰক সহায় কৰি আহিছে সীমান্তৱৰ্তী একাংশ ভাৰতীয় লোকে ।
লগতে পঢ়ক :মহানগৰীত আৰক্ষীৰ জালত পৰিছে বৃহৎ চোৰৰ চক্ৰ
উল্লেখ্য যে, বিগত বৰ্ষতো বুবৰিঘাট চাহ বাগিচাত গৰু চোৰ কৰিবলৈ আহি হাতে-লোটে ধৰা পৰিছিল তিনিটাকৈ চোৰ । তাৰ পাচতে উত্তেজিত ৰাইজে উপৰ্যুপৰি প্ৰহাৰ কৰিছিল চোৰ তিনিটাক ৷ যাৰ ফলস্বৰূপে গণপ্ৰহাৰত মৃত্যু হৈছিল তিনিওৰে ।