কৰিমগঞ্জ, 15 জুলাই : বিশ্বজুৰি ক'ৰণা আতংকৰ মাজতে অব্যাহত আছে ড্ৰাগছৰ সৰবৰাহ । কৰিমগঞ্জ জিলাৰ পাথাৰকান্দিৰ সোনাখিৰাত আৰক্ষীয়ে অভিযান চলাই আটক কৰে দুই ড্ৰাগছ সৰবৰাহকাৰীক ৷ এই দুই সৰবৰাহকাৰীৰ পৰা জব্দ কৰা হয় লক্ষাধিক মূল্যৰ ব্ৰাউন ছুগাৰ । আটক হোৱা ড্ৰাগছ সৰবৰাহকাৰী দুজন হৈছে কাঠলতলীৰ তাহিৰ চুলতান আৰু নুৰ আহমেদ ।
বুধবাৰে সোনাখিৰা চেক পোষ্টত আৰক্ষীৰ নিয়মীয়া তালাচীত AS 11Q-9808 নম্বৰৰ এখন ডাটছান বাহনৰ এখনৰ পৰা জব্দ কৰা হয় ড্ৰাগছখিনি ৷ প্ৰায় 45 টা টেমাত ৰখা হৈছিল এই ব্ৰাউন ছুগাৰখিনি ৷ পাথাৰকান্দি বাইপাছ এলেকাৰ পৰা ডাটছান বাহনেৰে ড্ৰাগছখিনি কঢ়িয়াই আনি সৰবৰাহকাৰী দুজনে কাঠলতলীৰ ড্ৰাগছ সৰবৰাহকাৰী কুটিৰ আৰু জুবেৰৰ হাতত চমজাই দিয়াৰ কথা আছিল । ইয়াৰ পাচতে আৰক্ষীৰ হাতত ধৰা পৰে সৰবৰাহকাৰী দুজন ৷
লগতে পঢ়ক :ভয়াৱহ দিশে ৰাজ্যৰ বান পৰিস্থিতিঃ 33 লাখ লোক বানৰ কবলত