কৰিমগঞ্জ, 7 নবেম্বৰ: বহু প্ৰতীক্ষাৰ অন্তত গুৱাহাটী উচ্চ ন্যায়ালয়ৰ নিৰ্দেশত অনুষ্ঠিত হোৱা কৰিমগঞ্জ জিলা পৰিষদৰ নিৰ্বাচনত জয়ী হল বিজেপি । নতুন সভাপতি হিচাপে নিৰ্বাচিত হ’ল বিজেপিৰ আশীষ নাথ । যোৱা 2018ৰ পঞ্চায়ত নিৰ্বাচনত কৰিমগঞ্জৰ 20 খন জিলা পৰিষদৰ মাজত কংগ্ৰেছে 10, বিজেপিয়ে 6, এআইউডিফয়ে 2 আৰু নিৰ্দলীয় হিচাপে 2 খন জিলা পৰিষদ আসন দখল কৰিবলৈ সক্ষম হৈছিল । ইয়াৰ পিছত অনুষ্ঠিত হোৱা জিলা পৰিষদ গঠনৰ সময়ত কংগ্ৰেছ আৰু বিজেপি উভয়দলে 10 টা কৈ ভোট পাবলৈ সক্ষম হয় ৷ ইয়াৰ ফলত ভাগ্য নিৰ্ণয়ৰ বাবে টছ হয় আৰু তেতিয়া জয়ী হয় কংগ্ৰেছ প্ৰাৰ্থী মমতাজ বেগম এই ঘটনাৰ পিছতে বিজেপি গুৱাহাটী উচ্চ ন্যায়ালয়ৰ কাষ চাপে ।
কৰিমগঞ্জ জিলা পৰিষদত বিজেপিৰ দখল