কৰিমগঞ্জ,23 ডিচেম্বৰ: বুধবাৰৰ পৰা দুদিনীয়া কাৰ্যসূচীৰে কৰিমগঞ্জত আৰম্ভ হৈছে বিজেপিৰ ৰাজ্যিক কাৰ্যনিৰ্বাহক সভা ৷ এই কাৰ্যসূচীৰ বাবে ইতিমধ্যে বৰাক উপত্যকাত আহি উপস্থিত হৈছেহি বিজেপিৰ বহু দিগগজ নেতা ৷ বুধবাৰে পতাকা উত্তোলনেৰে এই কাৰ্যনিৰ্বাহক সভাৰ শুভ উদ্বোধন কৰে ৰাজ্যিক বিজেপিৰ সভাপতি ৰঞ্জিত দাসে ৷
বিজেপিৰ ৰাজ্যিক কাৰ্যনিৰ্বাহক সভাত ওলোটা পতাকা উত্তোলন কৰিলে ৰঞ্জিত দাসে কিন্তু সভাৰ প্ৰথমতো কাৰ্যসূচীতেই সৃষ্টি হয় অথন্তৰ ৷ সভাৰ উদ্বোধনী অনুষ্ঠানতেই দলীয় পতাকা ওলোটাকৈ উত্তোলন কৰে সভাপতি ৰঞ্জিত দাসে ৷ পতাকা উত্তোলনৰ পিছতেই পুনৰ নমাই আনি দ্বিতীয়বাৰলৈ উদ্বোধন কৰা হয় ৷ এই পতাকা উত্তোলন কাৰ্যসূচীত উপস্থিত আছিল মুখ্যমন্ত্ৰী সৰ্বানন্দ সোণোৱাল,কেন্দ্ৰীয় মন্ত্ৰী ৰামেশ্বৰ তেলীকে আদি কৰি কেইবাগৰাকীয়ো মন্ত্ৰী ৷
লগতে পঢ়ক-কৰিমগঞ্জত অচিনাক্ত দুৰ্বৃত্তই ফালিলে বিজেপিৰ পতাকা আৰু বেনাৰ
