দীপাৱলী উপলক্ষে ভাৰতীয় জনতা যুৱ মৰ্চাৰ মাটিৰ চাকি বিতৰণ

দীপাৱলী উপলক্ষে কৰিমগঞ্জত ৰাইজৰ মাজত মাটিৰ চাকি বিতৰণ ৷ ভাৰতীয় জনতা যুৱ মৰ্চা অসম প্ৰদেশ কমিটিৰ নিৰ্দেশ মৰ্মে কৰিমগঞ্জ জিলা সমিতিয়ে কৰিমগঞ্জ চহৰত কেইবা হাজাৰ মটিৰ চাকি বিতৰণ কৰে ৷

কৰিমগঞ্জ, 14 নৱেম্বৰ:পোহৰৰ উৎসৱ দীপাৱলীৰ প্ৰতি লক্ষ্য ৰাখি ৰাইজৰ মাজত কৰিমগঞ্জত মাটিৰ চাকি বিতৰণ কৰিলে ভাৰতীয় জনতা যুৱ মৰ্চাৰ কৰিমগঞ্জ জিলা কমিটিয়ে ৷ বিগট পাঁচটা বছৰৰ দৰে এইবাৰো ভাৰতীয় জনতা যুৱ মৰ্চা অসম প্ৰদেশ কমিটিৰ নিৰ্দেশ মৰ্মে কৰিমগঞ্জ জিলা সমিতিয়ে এই চাকি বিতৰণ কাৰ্যসূচী গ্ৰহণ কৰে ৷

ভাৰতীয় জনতা যুৱ মৰ্চা কৰিমগঞ্জ জিলা সমিতিৰ মাটিৰ চাকি বিতৰণ

প্ৰধানকৈ মৃৎ শিল্পৰ সৈতে জড়িত শিল্পী তথা কাৰিকৰসকলক তেওঁলোকৰ জীৱিকা পুনৰুজ্জীৱিতকৰণৰ ক্ষেত্ৰত সকাহ দিয়াৰ লগতে উৎসাহ জনোৱাৰ উদ্দেশ্যে যুৱ মৰ্চাই এই কাৰ্যসূচী হাতত লৈ আহিছে ৷ শুকুৰবাৰে জনতা যুৱ মৰ্চাৰ কৰিমগঞ্জ কমিটিয়ে কৰিমগঞ্জ চহৰত ৰাইজৰ মাজত কেইবাহাজাৰ মাটিৰ চাকি বিতৰণৰ কাৰ্যসূচী হাতত লয় ৷
লগতে পঢ়ক:গাড়ী চালকক গুলীয়াই ধন লৈ উধাও দুৰ্বৃত্ত