বৰাক উপত্যকাৰ প্রথম মেগা ফুড পার্কৰ ভূমি অধিগ্ৰহণ প্ৰক্ৰিয়াৰ শুভাৰম্ভ

সোমবাৰে বৰাক উপত্যকাৰ প্রথম মেগা ফুড পার্ক আৰু ইন্টিগ্রেটেড কোল্ড চেইন স্থাপনৰ বাবে ভূমি অধিগ্ৰহণ প্ৰক্ৰিয়াৰ শুভাৰম্ভ কৰে কৰিমগঞ্জ জিলা প্ৰশাসনে ৷ প্ৰায় 150 বিঘা মাটিত মেগা ফুড পাৰ্ক আৰু 15 বিঘা মাটিত ইন্টিগ্রেটেড কোল্ড চেইন প্ৰকল্প স্থাপনৰ বাবে ভূমি হস্তান্তৰ প্ৰক্ৰিয়া আৰম্ভ কৰা হয় ৷

কৰিমগঞ্জ, 29 ছেপ্তেম্বৰঃসোমবাৰে বৰাক উপত্যকাৰ প্রথম মেগা ফুড পার্ক আৰু ইন্টিগ্রেটেড কোল্ড চেইন স্থাপনৰ বাবে ভূমি অধিগ্ৰহণ প্ৰক্ৰিয়াৰ শুভাৰম্ভ কৰে কৰিমগঞ্জ জিলা প্ৰশাসনে ৷ কৰিমগঞ্জ জিলাৰ উপায়ুক্ত এম.পি আম্বামুথানৰ সভাপতিত্বত অনুষ্ঠিত হোৱা সভাত এই প্ৰক্ৰিয়া আৰম্ভ কৰা হয় ৷

উল্লেখ্য যে, প্ৰায় 150 বিঘা মাটিত মেগা ফুড পাৰ্ক আৰু 15 বিঘা মাটিত ইন্টিগ্রেটেড কোল্ড চেইন প্ৰকল্প স্থাপনৰ বাবে ভূমি হস্তান্তৰ প্ৰক্ৰিয়া আৰম্ভ কৰা হয় ৷ এই দুয়োটা প্ৰকল্পতে বৰাক উপত্যকাৰ প্ৰায় 20ৰ পৰা 25 হাজাৰ যুৱক-যুৱতীয়ে কৰ্মসংস্থান লাভ কৰিব বুলি প্ৰকাশ কৰে উপায়ুক্ত গৰাকীয়ে ৷ সোমবাৰৰ এই সভাখনত উপস্থিত থাকে কৰিমগঞ্জ জিলাৰ অতিৰিক্ত উপায়ুক্ত ধ্ৰুৱজ্যোতি দেৱ, AIDCৰ অধ্যক্ষ মিছন ৰঞ্জন দাসৰ লগতে পাথাৰকান্দিৰ বিধায়ক কৃষ্ণেন্দু পাল ৷

লগতে পঢ়ক-নাথ ছাৰক থানা এৰি যাবলৈ নিদিয়ে ৰাইজে