ভাৰতীয় আৰু বাংলাদেশীয় টকাসহ দুজনক আটক

ভাৰত-বাংলা সীমান্তত TR-08-0709 নম্বৰ এখন মাৰুতি গাড়ীৰে উজ্জল মল্ল আৰু প্ৰবীৰ চৰকাৰ নামৰ দুগৰাকী লোক বাংলাদেশী আৰু ভাৰতীয় টকা সৰবৰাহ কৰি থকাৰ সময়তে আৰক্ষী আৰু বি এছ এফৰ অভিযানত আটক ৷

কৰিমগঞ্জ,4আগষ্টঃ ত্ৰিপুৰা আৰক্ষী আৰু সীমা সুৰক্ষা বাহিনীৰ যুটীয়া অভিযানত বাংলাদেশী আৰু ভাৰতীয় 7 লাখ টকা উদ্ধাৰ ৷ ঘটনা অনুসৰি এক গোপন সূত্ৰৰ পমখেদি TR-08-0709 নম্বৰ এখন মাৰুতি গাড়ীৰ পৰা বি এছ এফ আৰু বাগমা আৰক্ষী থানাৰ আৰক্ষীয়ে জব্দ কৰে টকাখিনি ৷ উক্ত গাড়ীখনৰ জৰিয়তে ভাৰত-বাংলা সীমান্তৱৰ্তী চাবৰোম মনুঘাটৰ পৰা আগৰতলালৈ নি আছিল টকাখিনি ৷

ইপিনে টকাখিনিৰ সৈতে উজ্জল মল্ল আৰু প্ৰবীৰ চৰকাৰ নামৰ দুগৰাকীক আটক কৰে আৰক্ষীয়ে ৷ ব্যক্তি দুজনৰ পৰা বাংলাদেশৰ 5 লাখ 75 হাজাৰ 500 টকা আৰু ভাৰতীয় 19 হাজাৰ 750 টকা আৰক্ষী আৰু বি এছ এফে উদ্ধাৰ কৰে ৷ সম্প্ৰতি আটকাধীন দুয়োগৰাকীক আৰক্ষী আৰু বি এছ এফে জেৰা অব্যাহত ৰাখিছে বুলি জানিব পৰা গৈছে ৷

লগতে পঢ়কঃ নগাঁৱত দুৰ্ঘটনাত পতিত চোৰাং কাঠভৰ্তি ট্ৰাক