ব্যতিক্ৰমী ৰূপত বদৰপুৰ প্ৰেছ ক্লাৱৰ প্ৰতিষ্ঠা দিৱস

প্ৰতিজন হেমলেট বিহীন বাইক চালকক এডালকৈ ফুলৰ মালা পিন্ধাই তেওঁলোকক হেমলেট ব্যৱহাৰৰ আহ্বান জনাই সাংবাদিক সকলে ।

বদৰপুৰ, ৬ আগষ্ট: দহ বছৰৰ সম্পুৰ্ণ কৰিলে বদৰপুৰ প্ৰেছ ক্লাৱে । সোমবাৰে না-না অনুষ্ঠানৰ মাজৰে প্ৰেছ ক্লাৱত প্ৰতিষ্ঠা দিৱস উদযাপন কৰিলে সাংবাদিক সকলে । উল্লেখ্য যে প্ৰতিষ্ঠা দিৱসৰ লগত সংগতি ৰাখি সাংবাদিক সকলে উদযাপন কৰে পথ সুৰক্ষাৰ এক বিশেষ অভিযান । বদৰপুৰৰ ৰাষ্ট্ৰীয় ঘাইপথত প্ৰতিজন হেমলেট বিহীন বাইক চালকক এডালকৈ ফুলৰ মালা পিন্ধাই তেওঁ লোকক হেমলেট ব্যৱহাৰৰ আহ্বান জনাই সাংবাদিক সকলে । ইয়াৰ পাছতে বদৰপুৰৰ মাজত থকা এটা মোগল আমলৰ ঐতিহাসিক দুৰ্গত চাফাই অভিযানো চলাই সাংবাদিক সকলে । ইয়াৰ পাছতে অনুষ্ঠিত হোৱা সাংস্কৃতিক অনুষ্ঠানত ভাগ লয় বদৰপুৰ সাংস্কৃতিক মঞ্চৰ কণমানি শিশু সকলে ।

উল্লেখ্য বদৰপুৰ প্ৰেছ ক্লাৱে প্ৰতিবছৰে এনেদৰেই কিছু ব্যতিক্ৰমী ৰূপত উদযাপন কৰি আহিছে প্ৰেছ ক্লাৱৰ প্ৰতিষ্ঠা দিৱস । যাৰ বাবে বদৰপুৰ প্ৰেছ ক্লাৱৰ পদক্ষেপক প্ৰশংসা কৰিছে বদৰপুৰৰ একাংশ সচেতন ৰাইজে ।