কৰিমগঞ্জত গ্ৰেপ্তাৰ এটিএম হেকাৰ

কৰিমগঞ্জৰ পাথাৰকান্দিত এজন এটিএম হেকাৰ গ্ৰেপ্তাৰ ৷ আটকাধীন যুৱকজনৰ পৰা বিভিন্ন বেংকৰ কেইবাখনো এটিএম কাৰ্ড জব্দ কৰিছে আৰক্ষীয়ে ৷

কৰিমগঞ্জ, 11 জুন : কৰিমগঞ্জৰ পাথাৰকান্দিত আটক এজন এটিএম হেকাৰ । আটক হোৱা যুৱক জনৰ নাম এমাদ উদ্দিন । জানিব পৰা মতে, এমাদ উদ্দিনৰ ঘৰ কৰিমগঞ্জৰ নিলামবজাৰ এলেকাত । এমাদ উদ্দিনৰ পৰা বিভিন্ন বেংকৰ কেইবাখনো এটিএম কাৰ্ড জব্দ কৰিছে আৰক্ষীয়ে ৷

উল্লেখ্য যে, পাথাৰকান্দি চহৰৰ এছ বি আই (SBI) এটিএম কাউন্টাৰৰ সম্মুখত ঘুৰি ফুৰা দেখি লোকজনৰ ওপৰত একাংশৰ সন্দেহ হোৱাত আৰক্ষী থানাত খবৰ দিয়া হৈছিল । ইয়াৰ পিচতে আৰক্ষীয়ে এটিএম কাউন্টাৰৰ সম্মুখৰ পৰা এমাদ উদ্দিনক কৰায়ত্ব কৰিবলৈ সক্ষম হয় ।

এমাদ উদ্দিনে মূলত আনৰ এটিএম কাৰ্ড কৌশলেৰে বদলি কৰি দীৰ্ঘ দিনৰ পৰাই একাংশৰ সাঁচতীয়া ধন উলিয়াই আছিল । বহু লোকৰ একাউন্টৰ ধন উলিয়াইছিল এমাদ উদ্দিনে । অৱশেষত ৰাইজৰ সহযোগিতাত আৰক্ষীৰ হাতত ধৰা পৰে এইজন প্ৰবঞ্চক ।

লগতে পঢ়ক : উদালী কাণ্ডৰ লগত জড়িত পুনৰ এজন অভিযুক্তক গ্ৰেপ্তাৰ