১৯০ বছৰীয়া এখন ৰথযাত্ৰা...

ৰথযাত্ৰাৰ অন্তিম দিনা ৰাজ্যৰ বিভিন্ন প্ৰান্তত পালন কৰা হয় ৰথযাত্ৰা ৷ অন্তিমদিনা ভক্তগণে নাচি-বাগি ফূৰ্তি কৰাৰ লগতে হৰেকৃষ্ণ ধ্বনিৰে মুখৰিত কৰি তুলিলে পৰিৱেশ ৷

কৰিমগঞ্জ/ধুবুৰীঃ কৰিমগঞ্জৰ একমাত্ৰ পুৰণি তথা ঐতিহাসিক ৰথ যাত্ৰা পাথৰকান্দিত শুকুৰবাৰে অনুষ্ঠিত হয়। ১৯০ বছৰত ভৰি দিয়া এই ৰথযাত্ৰা সম্পূৰ্ণ ব্যতিক্ৰম। লগতে জগন্নাথ ৰথ যাত্ৰাৰ শুকুৰবাৰে অন্তিমটো যাত্ৰা। ৰথ যাত্ৰাৰ পৰিসমাপ্তি অনুষ্ঠানটো পাথাৰকান্দিৰ খালপাৰ গাঁৱত যুগ যুগ ধৰি পালন কৰি আহিছে।

ইপিনে ক্ষেত্ৰীৰ পূৱ মালয়বাৰীতো ৰথযাত্ৰাৰ অন্তিম দিনা উলহ মালহ পৰিৱেশ ৷ ভক্তগণে নাচি বাগি ফূৰ্তি কৰাৰ লগতে হৰেকৃষ্ণ ধ্বনিৰে মুখৰিত হৈ পৰে সমগ্ৰ অঞ্চলটো। লগতে পাথাৰকান্দিৰ শিৱেৰগোল এলেকাত ওলোটা ৰথযাত্ৰাত অংশ গ্ৰহণ কৰে বহুসংখ্যক লোকে ৷ অঞ্চলটোত মনিপুৰী সম্প্ৰদায়ৰ লোকসকলে যুগ যুগ ধৰি পালন কৰি আহিছে জগন্নাথ ৰথযাত্ৰা।