স্বাস্থ্য পৰীক্ষাৰ নামত ৰোগীক যৌন নিৰ্যাতনৰ অভিযোগ হোমি'অ চিকিৎসকৰ বিৰুদ্ধে

বোকাজান সামূহিক চিকিৎসা কেন্দ্ৰত চিকিৎসকে ৰোগীক যৌন নিৰ্যাতন চলোৱাৰ গুৰুতৰ অভিযোগ উখাপন হৈছে ৷ স্বাস্থ্য পৰীক্ষা নামত ৰোগীৰ গোপন স্থানত স্পৰ্শ কৰাৰ অভিযোগ ৰোগীৰ ৷ বৰ্তমানে আৰক্ষীৰ তদন্ত অব্যাহত আছে ৷

ডিফু, 14 মে' : যি সময়ত COVID-19 ক প্ৰতিৰোধৰ বাবে স্বাস্থ্য বিভাগ প্ৰতিটো সময়তে সষ্টম হৈ পৰিছে সেই সময়তে বোকাজান সমূহীয়া চিকিৎসা কেন্দ্ৰত এগৰাকী চিকিৎসকে ৰোগীক যৌন নিৰ্যাতন চলোৱাৰ গুৰুতৰ অভিযোগ উখাপন হৈছে ৷

ৰোগী গৰাকীয়ে জানিব দিয়া অনুসৰি, চিকিৎসাৰ বাবে গৈছিল হোমি'অ বিভাগৰ চিকিৎসক শ্বেখ আলি আহমেদৰ ওচৰত ৷ কিন্তু চিকিৎসালয়খনত কোনো ধৰণৰ মহিলা চিকিৎসক বা নাৰ্ছ নথকাৰ সুযোগ লৈ ৰোগী গৰাকীক স্বাস্থ্য পৰীক্ষা কৰোৱাৰ নামত যুৱতী গৰাকীৰ গোপন অংগত স্পৰ্শ কৰাৰ অভিযোগ উখাপন কৰে ৰোগী গৰাকীয়ে ৷

লগে লগে যুৱতী গৰাকীয়ে চিকিৎসক গৰাকীৰ পৰা পলাই গৈ চিকিৎসালয় খনৰ আন আন স্বাস্থ্য কৰ্মীক উক্ত বিষয়টো অৱগত কৰাৰ পিচতো চিকিৎসালয়খনত এক হুলস্থলীয়া পৰিৱেশৰ সৃষ্টি হয় ৷

পৰৱৰ্তী সময়ত যুৱতী গৰাকীৰ এজাহাৰৰ ভিত্তিত ঘটনাস্থলীত আৰক্ষী উপস্থিত হৈ চিকিৎসক শ্বেখ আলি আহমেদক কৰায়ত্ব কৰাৰ লগতে আৰক্ষীয়ে বৰ্তমান তদন্ত অব্যাহত ৰাখিছে ৷

লগতে পঢ়ক : বিধায়ক এ কে ৰোচিদ আলমৰ বিৰুদ্ধে গোচৰ ৰুজু আৰক্ষীৰ