১০ লাখ গছপুলি ৰোপণেৰে ডিফুত বিশ্ব পৰিৱেশ দিৱস উদযাপন

কাৰবি আংলং বন বিভাগৰ পশ্চিম সংমণ্ডলৰ উদ্যোগত ডিফু মাটিপুং পথৰ আৰবৰেটাম আৰু ক্ৰাফ্ট চেণ্টাৰৰ পথৰ কাষত এক বৃক্ষ ৰোপণ কাৰ্যসূচী অনুষ্ঠিত কৰা হয় ৷ কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে মুখ্য ৰোপক হিচাপে আনুষ্ঠানিকভাৱে এজোপা বৃক্ষ ৰোপণ কৰি কাৰ্যসূচীৰ শুভাৰম্ভ কৰে ৷

ডিফু, ৫ জুন: বিশ্ব পৰিৱেশ দিৱসৰ লগত সংগতি ৰাখি পাহাৰীয়া জিলাৰ সদৰ চহৰ ডিফুতো শুকুৰবাৰে বিশ্ব পৰিৱেশ দিৱস পালন কৰা হয় ৷ চহৰ খনৰ চৰকাৰী,বেচৰকাৰী অনুষ্ঠান-প্ৰতিষ্ঠানৰ লগতে স্কুল,কলেজ,আৱাস গৃহ আদিতো গছপুলি ৰোপণ কৰি বিশ্ব পৰিৱেশ দিৱস পালন কৰে ৷ এই উদ্দেশ্য পুৱা কাৰ্বি আংলং বন বিভাগৰ পশ্চিম সংমণ্ডলৰ উদ্যোগত ডিফু মাটিপুং পথৰ আৰবৰেটাম আৰু ক্ৰাফ্ট চেণ্টাৰৰ পথৰ কাষত এক বৃক্ষ ৰোপণ কাৰ্যসূচী অনুষ্ঠিত কৰা হয় ৷ কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে মুখ্য ৰোপক হিচাপে আনুষ্ঠানিক ভাৱে এজোপা বৃক্ষ ৰোপণ কৰি কাৰ্যসূচীৰ শুভাৰম্ভ কৰে ৷

১০ লাখ গছপুলি ৰোপণেৰে ডিফুত বিশ্ব পৰিৱেশ দিৱস উদযাপন

মুখ্য কাৰ্যবাহী সদস্যৰ লগতে সাংসদ হৰেণছিং বে',কাৰ্বি আংলং স্বায়ত্ত শাসিত পৰিষদৰ ফৰেষ্ট ব'ৰ্ড চেয়াৰেমেন তথা এমএচি কিচাৰ্ড টকবী,প্ৰাক্তন বিধায়ক বিদ্যাছিং ইংলেং,বোকাজানৰ বিধায়ক ডা: নোমল ম'মিনৰ লগতে কেইবাগৰাকী ইএম আৰু এমএচি,বনবিভাগৰ মুখ্য বন সংৰক্ষক অভিজিত ৰাভাইয়ো এজোপাকৈ বৃক্ষ ৰোপণ কৰে ৷

আনহাতে, সাংবাদিকৰে সৈতে হোৱা বাৰ্তালাপত মুখ্য কাৰ্যবাহী সদস্য তুলিৰাম ৰংহাঙে বিশ্ব পৰিৱেশ দিৱসৰ পৱিত্ৰ ক্ষণত কাৰবি আংলং জিলাক সেউজ কাৰ্বি আংলং হিচাপে গঢ়ি তোলাৰ বাবে সংকল্প লোৱাৰ আহ্বান জনায় ৷ লগতে পৰিষদৰ এইবাৰৰ একছন প্লেনত ১০ লাখ বৃক্ষৰ পুলি বিতৰণ কৰিবলৈ সিদ্ধান্ত গ্ৰহণ কৰিছে বুলি জনায় ৷ এই পুলি প্ৰতিখন গাঁৱৰ চুবুৰীয়ে চুবুৰীয়ে বিতৰণ কৰাৰ ব্যৱস্থা কৰা হ'ব বুলি জনায় ৷কাৰবি আংলঙৰ পৰিৱেশ সতেজ কৰি ৰাখিবলৈ বৃক্ষৰ সংৰক্ষণ আৰু সংবৰ্ধনৰ বহু প্ৰয়োজন বুলি মন্তব্য কৰে ৷

১০ লাখ গছপুলি ৰোপণেৰে ডিফুত বিশ্ব পৰিৱেশ দিৱস উদযাপন

আনহাতে ডিফুৰ চন্দ্ৰছিম টেৰণ উচ্চ মাধ্যমিক বিদ্যালয়ৰ ইক' ক্লাৱৰ উদ্যোগতো বিদ়্যালয় চৌহদতো অনুষ্ঠিত হয় বৃক্ষ ৰোপণ কাৰ্যসূচী ৷ এই উদ্যেশ্যে বিদ্যালয় খনৰ পৰিচালনা সমিতিৰ সভাপতি মজাহাৰুল ইছলামে বৃক্ষপুলি ৰোপণ কৰি কাৰ্যসূচী শুভাৰম্ভ কৰাৰ পিছতে বিদ্যালয়খনৰ প্ৰধান শিক্ষয়িত্ৰী অৰুণিমা পাঠকেকে ধৰি আন আন বিষয় শিক্ষক- শিক্ষয়িত্ৰী সকলেও গছপুলি ৰোপণ কৰি বিশ্ব পৰিৱেশ দিৱস পালন কৰে ৷ বৃক্ষ ৰোপণ কাৰ্যসূচী থলীত বিদ্যালয় খনৰ পৰিচালনা সমিতিৰ সভাপতি মজাহাৰুল ইছলামে কয় যে, বৃক্ষ ৰোপণ কাৰ্যসূচী এক মহৎ কাম ৷ বৃক্ষ ৰোপণ কাৰ্যই পৰিৱেশ আৰু পৰিপাৰ্শ্বিকতা সুস্থ কৰি ৰখাৰ লগতে এই বৃক্ষ ৰোপণে ভৱিষ্যত প্ৰজন্মক অধিক সুৰক্ষিত কৰি ৰাখিব বুলি মন্তব্য কৰে ৷ লগতে পঢ়ক : সেউজ প্ৰকল্প গঢ়াৰ উদ্দেশ্য জোনাইৰ প্ৰান্তে-প্ৰান্তে গছপুলি ৰোপণ