ডিফু, 14 নৱেম্বৰ : অপৰাধমূলক কাৰ্য-কলাপ বৃদ্ধি পাবলৈ ধৰিছে কাৰ্বি আংলং জিলাৰ অসম-নাগালেণ্ড(Assam-Nagaland Border) সীমান্তত ৷ শেহতীয়াকৈ উক্ত অঞ্চলত বৃহৎ পৰিমাণৰ ড্ৰাগছ জব্দ হোৱাৰ পিছত পোহৰলৈ আহিছে বন্যপ্ৰাণীৰ অংগ-প্ৰত্যংগ সৰবৰাহ কৰাৰ ঘটনা ৷ এই ঘটনাই স্বাভাৱিকতে চাঞ্চল্যৰ সৃষ্টি কৰিছে অঞ্চলটোত ৷
প্ৰাপ্ত তথ্য অনুসৰি, দেওবাৰে পুৱা প্ৰায় 9.30 বজাত ডিলাই থানা(Dilai Police)ৰ ভাৰপ্ৰাপ্ত বিষয়া ফণীন্দ্ৰ ৰাভাৰ নেতৃত্বত সহকাৰী উপ পৰিদৰ্শক জিতেন গগৈ আৰু আৰক্ষীৰ এটা দলে এক অভিযান চলায় ৷ উক্ত অভিযানত উদ্ধাৰ হয় দুজন লোকে চোৰাংকৈ অনা দুটাকৈ হাতী দাঁত ৷