ডিফু, ১৫ জুন: মঙলবাৰে দিনৰ ভাগত ডিফুত হোৱা এটা পথ দুৰ্ঘটনাত দুজন স্কুটী আৰোহী আহত হয় ৷ ইয়াৰে এজন গুৰুতৰভাৱে আহত হৈ সংকটজনক অৱস্থাত চিকিৎসাধীন হ’বলগীয়া হৈছে ৷ প্ৰাপ্ত খবৰ অনুসৰি, মঙলবাৰে বিয়লি ১ বাজি ১৫ মিনিটত ডিফু লামডিঙ পথৰ উপায়ুক্ত কাৰ্যালয়ৰ কাষত দুৰ্ঘটনাটো সংঘটিত হয় ৷
জানিব পৰা মতে, ডিফু মেডিকেল কলেজৰ দিশৰ পৰা তীব্ৰ বেগে আহি থকা অৱস্থাত নম্বৰ প্লেটবিহীন এখন স্কুটিয়ে ৰৈ থকা এখন ৰঙা ৰঙৰ এছ- ০৯-এফ-১৯৪৬ নম্বৰৰ মাৰুতি ইপছ গাড়ীত পিছফালৰ পৰা খুন্দিওয়াৰ ফলতে দুৰ্ঘটনাটো সংঘটিত হয় ৷