ডিফু, 4 এপ্ৰিল :পুনৰ ৰাজ্যত সক্ৰিয় হৈ পৰিছে আন্তঃৰাষ্ট্ৰীয় গাড়ীচোৰ চক্ৰ ৷ মাঞ্জা আৰক্ষীৰ জালত পৰিল দিল্লীৰ তিনি গভাইত গাড়ী চোৰ(Car lifters arrested by Manja Police) ৷ প্ৰাপ্ত খবৰ অনুসৰি দেওবাৰে সন্ধিয়া ৫ মান বজাত মাঞ্জা আৰক্ষীয়ে মাঞ্জাৰ ICDP ৰ ওচৰত চলোৱা এক তালাচীত বকলীয়াঘাটৰ দিশৰ পৰা আহি থকা UP 15 DM 0963 নম্বৰৰ বিলাসী বলেন' বাহনত সন্দেহবশত তালাচী চলাই চুৰি বাহন বুলি নিশ্চিত কৰে ৷
গাড়ীখনৰ চুৰি কাৰ্যৰ লগত জড়িত মহিলাসহ তিনিজন লোকক আটক কৰিবলৈ সক্ষম হয় আৰক্ষী ৷ ধৃত গাড়ীচোৰ কেইটা ক্ৰমে চালক আশীস চৌধুৰী, ৰবিন্দৰ যাদৱ আৰু তেওঁৰ পত্নী সংগীতা যাদৱ ৷ ধৃত আটাকেইটা চোৰৰ ঘৰ উত্তৰ প্ৰদেশৰ মীৰাটত বুলি সদৰি কৰে আৰক্ষীয়ে ৷