ডিফু, 14 মে’ :শুকুৰবাৰে বিয়লি হাওৰাঘাট থানাৰ অন্তৰ্গত তথা উত্তৰ বৰবিল উপ-আৰক্ষী চকীৰ অধীনস্থ ফুলনিত সংঘটিত হয় এক শোকাৱহ পথ দুৰ্ঘটনা ৷ এই পথ দুৰ্ঘটনাত নিহত হয় দুজন ব্যক্তি ৷
ঘটনাৰ বিৱৰণি অনুসৰি, শুকুৰবাৰে বিয়লি প্ৰায় 3:30 বজাত ফুলনিৰ ৰাজহ চক্ৰ বিষয়াৰ কাৰ্যালয়ৰ সমীপতে বিপৰীত দিশৰ পৰা আহি থকা এএছ-০৯-এইচ-০৬২৭ নম্বৰৰ মাৰুতী এল্ট’ এখনৰ সৈতে এএছ-০৯-ই-১০৩৩ নম্বৰৰ এখন মটৰচাইকেলৰ মুখামুখি সংঘৰ্ষ হয় । ফলত মটৰ চাইকেলৰ দুই আৰোহী অতি গুৰুতৰভাৱে আহত হয় । আহত দুয়োগৰাকীকে ততাতৈয়াকৈ বকলীয়াঘাট প্ৰাথমিক স্বাস্থ্যকেন্দ্ৰলৈ প্ৰেৰণ কৰা হয় যদিও চিকিৎসালয় পোৱাৰ পূৰ্বেই ইয়াৰে এজন নিহত হয় ।