ডিফু, 4 মে': এইবাৰ কাৰ্বি আংলং জিলাৰ অসম-নাগালেণ্ড সীমান্তৰ লাহৰিজান গেটত বুধবাৰে সন্দেহযুক্ত হেৰ’ইনসহ আটক এগৰাকী মহিলা ৷ জিলাখনৰ লাহৰিজান গেটত আৰক্ষী আৰু চি ২০ চিআৰপি এফৰ নিয়মীয়া তালাচীৰ সময়ত ড্ৰাগছসহ আটক মহিলাগৰাকী (Suspected heroin seized in Karbi Anglong) ৷ মহিলাগৰাকীৰ পৰা আৰক্ষী আৰু চি ২০ চিআৰপি এফৰ দলে প্ৰায় 254.87 গ্ৰাম সন্দেহযুক্ত হেৰ'ইন জব্দ কৰিবলৈ সক্ষম হয় (Suspected heroin seized) ৷
বুধবাৰে বিয়লি ৪ বজাত খটখটী থানাৰ ভাৰপ্ৰাপ্ত আৰক্ষী বিষয়া ৰমেন বৰদলৈৰ নেতৃত্বত আৰক্ষী আৰু চিআৰপিএফৰ এটা দলে চলাইছিল এই অভিযান ৷ তালাচীৰ সময়ত আৰক্ষী আৰু চিআৰপিএফৰ দলটোৱে ডিমাপুৰ দিশৰ পৰা অসমৰ লাহৰিজান গেটৰ পদপথেৰে খোজকাঢ়ি গৈ থকা অৱস্থাত মহিলাগৰাকীৰ পৰা হেৰ’ইনখিনি জব্দ কৰে (Drugs Paddler Detained at Lahorijan) ৷ মহিলাগৰাকীয়ে এটা স্কুল বেগৰ ভিতৰত 20 টা চাবোনৰ বাকচত কঢ়িয়াই অনা অৱস্থাত 254.87 গ্ৰাম সন্দেহযুক্ত হেৰ'ইন জব্দ কৰিবলৈ সক্ষম হয় (Suspected heroin seized) ৷