ডিফু,৫জানুৱাৰীঃপাহাৰীয়া জিলা কাৰ্বি আংলঙৰ বোকাজানৰ এটি ৪ বছৰীয়া কণমানি শিশুৱে নিজৰ নাম লিপিৱদ্ধ কৰিবলৈ সক্ষম হ'ল ইণ্ডিয়া বুক অফ ৰেকৰ্ডচত ৷ প্ৰকৃতি বৰা নামৰ কণমানি শিশুটিয়ে মাত্ৰ ৫৭ ছেকেণ্ডত 'বন্দে মাতৰম' শীৰ্ষক গীতটি দুয়োটা চকু বান্ধি পিয়ান' বজাই এই গৌৰৱৰ অধিকাৰী হয় ৷ ইতিমধ্যে ইণ্ডিয়া বুক অফ ৰেকৰ্ডচৰ মুখ্য সম্পাদক বিশ্বৰূপ ৰয় চৌধুৰীৰ স্বাক্ষৰিত প্ৰমাণপত্ৰ, মেডেল, কলম, কিতাপ আৰু পৰিচয়পত্ৰ লাভ কৰিছে কণমানি প্ৰকৃতিয়ে ৷
বোকাজানৰ বিজন বৰা আৰু ৰিংকু ভৰালী বৰাৰ একমাত্ৰ কন্যা সন্তান প্ৰকৃতি বৰাই মাতৃৰ তত্বাৱধানত সৰুৰেপৰাই পিয়ান' বজোৱাৰ লগতে বিভিন্ন বিহু মঞ্চত বিহু নৃত্য প্ৰদৰ্শন কৰিও বিশেষ সফলতা বুটলিবলৈ সক্ষম হৈছে । সৰুৰে পৰা অতি তীক্ষ্ণ বুদ্ধিৰ প্ৰকৃতি বৰা বৰ্তমান বোকাজানৰ অগ্ৰণী শিক্ষানুষ্ঠান বিদ্যাসাগৰ হাইস্কুলৰ ছাত্ৰী । কণমানি ছাত্ৰীগৰাকীৰ এই সফলতাত বিদ্যালয়ৰ শিক্ষক-শিক্ষয়িত্ৰীৰ লগতে বোকাজানবাসী ৰাইজে আনন্দ প্ৰকাশ কৰাৰ লগতে ছাত্ৰীগৰাকীৰ উজ্জ্বল ভৱিষ্যত কামনা কৰিছে ।
লগতে পঢ়কঃ7 জানুৱাৰীত ঘোষণা হ'ব IITত নামভৰ্তি প্ৰক্ৰিয়া, JEE Advancedৰ দিন
