ডিফু, ১৭ জুলাই: জিলাখনৰ বাহিৰৰ পৰা এগৰাকী নাবালিকাক লিখা-পঢ়া শিকাই মানুহ গঢ়াৰ কথা দি কাৰ্বি আংলং জিলা স্বায়ত্তশাসিত পৰিষদৰ সচিবালয়ত কৰ্মৰত তাৰাছিং ৰংপি(৪২) নামৰ কৰ্মচাৰী গৰাকীয়ে যোৱাটো বছৰতে তেওঁৰ নিজ বাসগৃহ ডিফুলৈ আনিছিল ৷ কিন্তু নাবালিকা গৰাকীক পঢ়াৰ শিক্ষা দিয়াৰ পৰিৱৰ্তে চলাই গ'ল যৌন নিৰ্যাতন।
নিচাযুক্ত ঔষধ সেৱন কৰাই নাবালিকাক যৌন নিৰ্যাতন
নাবালিকা গৰাকীৰ ওপৰত চলি থকা যৌন নিৰ্যাতনৰ কথা অৱগত হোৱাৰ পাছতে নাবালিকাৰ পিতৃয়ে ডিফু আৰক্ষী থানাত এখন এজাহাৰ দাখিল কৰিছে ।এজাহাৰত উল্লেখিত তথ্যৰ পৰা জনিব পৰা মতে,নাবালিকা গৰাকীক তাৰাছিং ৰংপি নামৰ ব্যক্তিজনে দীৰ্ঘ দিনৰ পৰাই যৌন নিৰ্যাতন চলাই আহিছিল ৷ নাবালিকা গৰাকীক নিচাযুক্ত দ্ৰব্য সেৱন কৰাই বিভিন্ন ধৰণে যৌন নিৰ্যাতন চলাইছিল তাৰাছিঙ ৰংপিয়ে ।