ডিফুত ঘৰে ঘৰে গৈ জাৱৰ সংগ্ৰহ আমৰুং চিংৰি আত্মসহায়ক গোটৰ

স্বচ্ছ ভাৰত অভিযানৰ অংশস্বৰূপে আৰু ডিফু পৌৰসভাৰ সহযোগত ডিফু চহৰৰ ৩ নং ৱাৰ্ড এলেকাত ঘৰে ঘৰে গৈ জাৱৰ সংগ্ৰহ কাৰ্য আৰম্ভ কৰে ৷

ডিফু, 9 জুনঃডিফুৰ আমৰুং চিংৰি এএফএল আত্মসহায়ক গোটে চহৰখনত আৰম্ভ কৰিছে জাৱৰ সংগ্ৰহ কাৰ্যসূচী ৷ বিগত সাত জুনত ডিফু পৌৰসভাই চহৰখনৰ দহটাকৈ আত্মসহায়ক গোটক প্ৰদান কৰিছিল লঘু বাহন ৷ কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী তুলিৰাম ৰংহাঙৰ উপস্থিতিত এই বাহনসমূহ প্ৰদান কৰা হৈছিল ৷

অধিক পঢ়কঃ AN 32 সন্ধানঃ সাতদিনেও সন্ধান নাই বায়ুসেনাৰ অভিশপ্ত নিৰুদ্দিষ্ট বিমানৰ

পৰৱৰ্তী সময়ত আজিৰে পৰা আত্মসহায়ক গোটসমূহৰ ভিতৰত আমৰুং চিংৰি এএফএল গোটে নিজৰ কাম আৰম্ভ কৰিছে ৷ গোটটোৰ সভানেত্ৰী জোনাকি ৰংপিপি, সম্পাদিকা অঞ্জলী তিমুঙপী আৰু চিআৰপি ববিতা তিচ'পীৰ নেতৃত্বত অন্যান্য সদস্যা সকলে হাতে হাতে ঝাড়ু-টুকুৰী লৈ ট্ৰিপাৰ বাহনেৰে ৩নং ৱাৰ্ডৰ ঘৰে ঘৰে জাবৰ সংগ্ৰহ কাৰ্যৰ শুভাৰম্ভ কৰে ৷