ডিফু, 10 নৱেম্বৰঃ ৰাজ্যত অব্যাহত মধ্যাহ্ন ভোজন ৰন্ধন কৰ্মীৰ প্ৰতিবাদ ৷ ডিফুত পথ অৱৰোধ কাৰ্যসূচীৰে তীব্ৰ প্ৰতিবাদ ৰন্ধন কৰ্মীৰ ৷ চৰকাৰে মধ্যাহ্ন ভোজনৰ খাদ্যৰ দায়িত্ব বিভিন্ন NGO ক প্ৰদান কৰাৰ পিছৰে পৰা ৰন্ধন কৰ্মীসকলে বিভিন্ন প্ৰতিবাদী কাৰ্যসূচীৰে বাতৰিৰ শিৰোনাম দখল কৰি আহিছে ৷
অৱশ্যে কাৰ্বি-আংলং জিলাত বৰ্তমানলৈকে মধ্যাহ্ন ভোজনৰ দায়িত্ব কোনো বেচৰকাৰী সংস্থাক দিয়া হোৱা নাই যদিও চৰকাৰে গ্ৰহণ কৰা এনে সম্ভাব্য পদক্ষেপৰ বিৰুদ্ধে সৰৱ হৈ পথ অৱৰোধ কাৰ্যসূচী ৰূপায়ন কৰে ৰান্ধন কৰ্মীসকলে ৷ প্ৰতিবাদকাৰীসকলে চৰকাৰৰ বিৰুদ্ধে বিভিন্ন শ্ল’গানেৰে পৰিৱেশ উত্তাল কৰি তোলে ৷ ৰন্ধন কৰ্মীসকলে ডিফু-মাঞ্জা সংযোগী পথ অৱৰোধ কৰাত শতাধিক যান-বাহন আৱদ্ধ হৈ দীৰ্ঘ সময় ধৰি পথটোৰে যাতায়ত ব্যৱস্থা ব্যহত হৈ পৰে ৷
আৰু পঢ়কঃ ভু-লুণ্ঠিত মানৱতা!! পথৰ দাঁতিত পেলাই থৈ গ’ল মৃত নৱজাতক
