পশ্চিম কাৰ্বি আংলঙত ভয়াৱহ পথ দুৰ্ঘটনাঃ থিতাতে নিহত 2

শনিবাৰে সন্ধিয়া পশ্চিম কাৰ্বি আংলং জিলাৰ জিৰিকিন্দেঙত হোৱা পথ দুৰ্ঘটনাত নিহত হয় দুই বাইক আৰোহী ৷ জিৰিকিন্দেং বজাৰৰ পৰা হাট-বজাৰ শেষ কৰি ঘৰলৈ উভতাৰ পথত নিয়ন্ত্ৰণ হেৰুৱাই সংঘটিত শোকাৱহ দুৰ্ঘটনাটোত লোক দুজনৰ মৃত্যু হয় ৷

ডিফু,1 নৱেম্বৰ : পশ্চিম কাৰ্বি আংলং জিলাৰ জিৰিকিন্দেঙত শনিবাৰে সন্ধিয়া সংঘটিত হৈছে এক ভয়াৱহ পথ দুৰ্ঘটনা ৷ দুৰ্ঘটনাত থিতাতে নিহত হয় চেং টিচ্ছ আৰু কাজা লিন্দক নামৰ লোক দুজন ৷

প্ৰাপ্ত তথ্য অনুসৰি, জিৰিকিন্দেঙৰ পৰা 10 কিলোমিটাৰ নিলগৰ টাচেং গাঁৱৰ দুই বাসিন্দা চেং টিচ্ছ আৰু কাজা লিন্দকে জিৰিকিন্দেং বজাৰৰ পৰা হাট-বজাৰ শেষ কৰি ঘৰলৈ উভতি গৈ আছিল ৷

সুৰামত্ত অৱস্থাত AS-09E-0932 নম্বৰৰ বাইকেৰে গৈ থকা অৱস্থাত পাহাৰীয়া পথত নিয়ন্ত্ৰণ হেৰুৱাই সংঘটিত শোকাৱহ দুৰ্ঘটনাটোত লোক দুজনৰ মৃত্যু হয় ৷

লগতে পঢ়ক :পত্নীক হত্যা কৰি পুত্ৰক লৈ উধাও হত্যাকাৰী স্বামী