গুৱাহাটী,২২ ছেপ্টেম্বৰ : ৰাজ্যজুৰি মাটিৰ দালালৰ বিৰুদ্ধে চৰকাৰী নিৰ্দেশত আৰক্ষীয়ে চলোৱা অভিযানকলৈ প্ৰতিক্ৰিয়া প্ৰকাশ কৰিছে বিৰোধী দলপতি দেৱব্ৰত শইকীয়াই । এই সন্দৰ্ভত তেওঁ কয়, 'মাটিৰ দালালক ধৰিছে ভাল পাইছোঁ । বহুত মাটিৰ দালালে শাসকীয় পক্ষৰ লগত হলি গলি কৰি আছে সেইবিলাককো ধৰক ।
মাটিৰ দালালক লৈ বিৰোধী দলপতি দেৱব্ৰত শইকীয়াৰ প্ৰতিক্ৰিয়া কিন্তু মাটিৰ দালালক ধৰাৰ নামত বহু তৰণীক ধৰিছে, তৰণীবিলাকে যিটো লিখিব লাগে, সেইখিনি লিখি মানুহক সহায় কৰে । তেওঁ লগতে কয়, 'বিধানসভাত বহু বাৰ প্ৰশ্ন উত্থাপন হৈছে যে যি মূল্যৰ দলিল বিচাৰিলেই পোৱা নাযায় । দলিলক লৈ ব্লেক মাৰ্কেটিং চলি আছ ।
লগতে পঢ়ক:পৰেশ বৰুৱাৰে আলোচনা : পূজাৰ পিছতেই প্ৰাৰম্ভিক প্ৰক্ৰিয়া আৰম্ভ হোৱাৰ সম্ভাৱনা
সেয়ে কেতবোৰ লোকক দলিল অধিক মূল্যত বিক্ৰী কৰাৰ বাবে ধৰিছে । কিন্তু চৰকাৰে দলিলবিলাক ৰাজ্যত উপলব্ধ কৰি দিয়া হ'লে কোনেও বেছি মূল্যত দলিল ক্ৰয় কৰিব লগা নহ'ল হয় আৰু এই দালালৰো সৃষ্টি নহয় । আচলতে চৰকাৰে মাটিৰ প্ৰকৃত দালাল অলপ ধৰিছে আৰু সংখ্যা বঢ়াবলৈ বেছি কৰি দিছে বুলি প্ৰতিক্ৰিয়া প্ৰকাশ কৰে দেৱব্ৰত শইকীয়াই ৷
ইফালে, ৰাজ্যত এতিয়াও প্ৰকৃত দালাল বহুত আছে বুলি অভিযোগ উত্থাপন কৰে বিৰোধী দলপতি গৰাকীয়ে । বিধানসভাতেই অধ্যক্ষ বিশ্বজিত দৈমাৰীয়ে এ আই ইউ ডি এফৰ প্ৰাক্তন বিধায়ক তথা বৰ্তমান বিজেপি নেতা ফনী তালুকদাৰক আপুনিটো মাটিৰ কাম ভালদৰে জানে বুলি কৈছিল । তাৰমানে কি ফনী তালুকদাৰ মাটিৰ উকিল নে মাটিৰ দালাল বুলি প্ৰশ্ন উত্থাপন কৰে দেৱব্ৰত শইকীয়াই ৷
লগতে পঢ়ক:চিৰাঙত কিশোৰী নিৰুদ্দেশ; নাৰী সৰবৰাহকাৰীৰ কৱলত পৰাৰ সন্দেহ স্থানীয় লোকৰ
