বাঘৰ ছাল আৰু হাঁড়সহ এজন যুৱক আটক কাৰ্বি আংলঙত

কাৰ্বি আংলঙৰ লৰিংথেপিত বাঘৰ ছাল আৰু হাঁড়সহ ডিফু ৰংখেলানৰ অমৰ তিমুঙ নামৰ এজন যুৱক ।

ডিফু,২১জুলাই : কাৰ্বি আংলঙৰ লৰিংথেপিত বাঘৰ ছাল আৰু হাঁড়সহ এজন যুৱক আটক ।

ঘটনা অনুসৰি, শণিবাৰে সন্ধিয়া কাৰ্বি আংলং জিলাৰ উত্তৰ বৰবিল আৰক্ষী থানাৰ অন্তৰেগত থকা লৰিংথেপিত দুজন যুৱকে এখন মটৰ চাইকেলেৰে মাঞ্জা অভিমুখে গৈ থকা অৱস্থাত আন স্কুটিত খুন্দা মাৰে ৷ দুৰ্ঘটনা সংঘটিত কৰা মটৰ চাইকেলখনৰ পৰা ৰাজপথৰ ওপৰত সিঁচৰিত হৈ পৰে প্ৰায় ৬ ফুট দৈৰ্ঘৰ বাঘৰ ছাল আৰু হাড় ৷ ইফালে, দুৰ্ঘটনা সংঘটিত কৰিয়ে এজন যুৱক পলায়ন কৰে, যদিও আন এজনক আৰক্ষীয়ে আটক কৰিবলৈ সক্ষম হয় ৷ আটকাধীন যুৱকজন ডিফু ৰংখেলানৰ অমৰ তিমুঙ বুলি চিনাক্ত কৰা হৈছে ।