ডিফু,১৩ মার্চ: শুকুৰবাৰে বিয়লি প্ৰায় ৫ বজাত ধনশিৰি আৰু ৰঙাপাহাৰ ৰে’ল ষ্টেচনৰ মাজত আহত অৱস্থাত উদ্ধাৰ কৰা হয় এজন অচিনাক্ত লোক ৷ ৰে’ল পষ্ট নং ২৪৫/২-৩ৰ কাষত উদ্ধাৰ হোৱা ব্যক্তিজনৰ বয়স ৬০-৬৫ বছৰৰ ভিতৰত হ’ব বুলি অনুমান কৰা হৈছে ।
উক্ত ঘটনাৰ খবৰ লাভ কৰি ডিফু ৰে’ল ষ্টেচনৰ জিআৰপিপি-ৰ আৰক্ষী ঘটনাস্থলীত উপস্থিত হৈ আহত লোকজনক ততাতৈয়াকৈ ডিফু চিকিৎসা মহাবিদ্যালয়লৈ প্ৰেৰণ কৰে ৷ কিন্তু মাজনিশা গুৰুতৰভাৱে আহত লোকজনৰ মৃত্যু ঘটে ৷